ಬೇಟೆಗೆ ತೆರಳಿದ ಐವರು ಗೆಳೆಯರು - ಕಾಡು ಪ್ರಾಣಿ ಎಂದು ಗೆಳೆಯನಿಗೆ ಗುಂಡು

•   Mon, Jun 15 2020 04:02:05 PM



• ಕಾರವಾರ, ಜೂ 15 (DaijiworldNews/PY) : ಐವರು ಗೆಳೆಯರು ರಾತ್ರಿ ವೇಳೆ ಪ್ರಾಣಿ ಬೇಟೆಗೆಂದು ಕಾಡಿಗೆ ಹೋಗಿದ್ದು, ಈ ಸಂದರ್ಭ ಕಾಡು ಪ್ರಾಣಿ ಎಂದು ತಂಡದಲ್ಲಿದ್ದ ಗೆಳೆಯನಿಗೆ ಗುಂಡು ಹಾರಿಸಿದ ಘಟನೆ ಉತ್ತರ ಕನ್ನಡ ಜಿಲ್ಲೆಯ ಮುಂಡಗೋಡಿಯಲ್ಲಿ ನಡೆದಿದೆ.

  

  ಬೇಟೆಗೆ ತೆರಳಿದ್ದ ಸುಲೇಮಾನ್‌‌, ಇಸ್ಮಾಯಿಲ್‌‌, ಮುಕಮಲ್‌‌, ಅಹ್ಮದ್‌ ಹಾಗೂ ಬೇಟೆಗೆಂದು ಉಪಯೋಗಿಸಿದ ಬಂದೂಕನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

  ಮಳಗಿ ಪ್ರದೇಶಕ್ಕೆ ಭಾನುವಾರ ರಾತ್ರಿ ಐವರು ಬೇಟೆಗೆಂದು ತೆರಳಿದ್ದರು. ಆ ವೇಳೆ ಪ್ರಾಣಿಗಳನ್ನು ಬೇಟೆಯಾಡುವ ಸಲುವಾಗಿ ಗುಂಪಿನಲ್ಲಿದ್ದವರು ಚದುರಿ ಹೋಗಿದ್ದು, ಮುಸ್ತಾಕ್‌‌‌ ಎಂಬಾತ ತಂಡದಿಂದ ಚದುರಿ ಪ್ರಾಣಿಗಳನ್ನು ಹುಡುಕುತ್ತಿದ್ದ. ಈ ವೇಳೆ ಈತನೇ ಕಾಡುಪ್ರಾಣಿ ಎಂದು ಗುಂಡು ಹಾರಿಸಿದ್ದಾರೆ. ಗುಂಡು ಹಾರಿಸಿದ ಪರಿಣಾಮ ಮುಸ್ತಾಕ್‌‌ನ ಎದೆಯ ಮೇಲ್ಭಾಗ ಗಂಭೀರ ಗಾಯವಾಗಿದ್ದು, ಕೂಡಲೇ ಆತನನ್ನು ಹುಬ್ಬಳ್ಳಿಯ ಆಸ್ಪತ್ರೆಗೆ ರವಾನಿಸಲಾಗಿದೆ. ಘಟನೆಯ ಬಗ್ಗೆ ಮುಂಡಗೋಡು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.