‌ರವಿ ಪೂಜಾರಿ ಸಹಚರ, ಯೂಸುಫ್‌ ಬಚಾ ಖಾನ್‌ನನ್ನು ವಶಕ್ಕೆ ಪಡೆದುಕೊಂಡ ಸಿಸಿಬಿ ಪೊಲೀಸರು

•   Mon, Jun 22 2020 04:48:56 PM



• ಬೆಂಗಳೂರು, ಜೂ 22(DaijiworldNews/PY) : ಭೂಗತ ಪಾತಕಿ ರವಿ ಪೂಜಾರಿ ಸಹಚರ, ಯೂಸುಫ್‌‌ ಬಚಾ ಖಾನ್‌‌‌‌ನನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

  

  ಸಿಸಿಬಿ ಪೊಲೀಸರು ರವಿ ಪೂಜಾರಿಯನ್ನು ವಿಚಾರಣೆಗೆ ಒಳಪಡಿಸಿದ್ದ ಸಂದರ್ಭ, ಬಚಾ ಖಾನ್‌ ಬಿಲ್ಡರ್‌‌ ಸುಬ್ಬರಾವ್‌ ಹತ್ಯೆ ಪ್ರಕರಣದಲ್ಲಿ ಪ್ರಮುಖನಾಗಿದ್ದ. ಈ ಪ್ರಕರಣದಲ್ಲಿ ಆತನಿಗೆ ಶಿಕ್ಷೆಯೂ ವಿಧಿಸಲಾಗಿತ್ತು. ಅಲ್ಲದೇ, ಬಚಾ ಖಾನ್‌‌‌ ಇನ್ನೂ ಕೆಲವು ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಎನ್ನುವ ಮಾಹಿತಿ ದೊರೆತಿದೆ.

  ಬಚಾ ಖಾನ್‌‌ ಛೋಟಾ ಆಜನ್‌‌ನ ಸಹಚರನಾಗಿದ್ದ. ಬಳಿಕ ಛೋಟಾ ಆಜನ್‌‌ನ ತಂಡದಿಂದ ಹೊರ ಬಂದಿದ್ದ ಬಚಾ ಖಾನ್‌‌‌‌ ಬಳಿಕ ರವಿ ಪೂಜಾರಿಯ ಗುಂಪಿಗೆ ಸೇರಿದ್ದ. ವಿಚಾರಣೆಯ ಸಂದರ್ಭ ಹಲವಾರು ಪ್ರಕರಣಗಳಲ್ಲಿ ಭಾಗಿಯಾಗಿರುವ ಬಗ್ಗೆ ಮಾಹಿತಿ ನೀಡಿರುವುದಾಗಿ ಸಿಸಿಬಿ ಪೊಲೀಸರು ಹೇಳಿದ್ದಾರೆ.