'ಜನರನ್ನು ಎಷ್ಟು ದಿನ ಮನೆಯಲ್ಲಿ ಕೂರಿಸುತ್ತೀರಾ, ಜೀವ ಉಳಿಸಲು ಹೋಗಿ ಜೀವನ ಹಾಳಾಗಬಾರದು' - ಪ್ರತಾಪ್‌ ಸಿಂಹ

•   Thu, Jun 25 2020 04:42:28 PM



• ಮೈಸೂರು, ಜೂ 25(DaijiworldNews/PY) : ಜನರನ್ನು ಎಷ್ಟು ದಿನ ಮನೆಯಲ್ಲಿ ಕೂರಿಸುತ್ತೀರಾ. ಜೀವ ಉಳಿಸಲು ಹೋಗಿ ಜೀವನ ಹಾಳಾಗಬಾರದು ಎಂದು ಸಂಸದ ಪ್ರತಾಪ್ ಸಿಂಹ ಹೇಳಿದ್ದಾರೆ.

  

  ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಪರಿಸ್ಥಿತಿ ಸರ್ಕಾರದ ನಿಯಂತ್ರಣದಲ್ಲಿ ಇದೆ. ಪುನಃ ಲಾಕ್‌ಡೌನ್‌ ಮಾಡುವುದು ಅಗತ್ಯವಿಲ್ಲ ಎಂದು ನನಗೆ ಅನ್ನಿಸುತ್ತಿದೆ. ಸರ್ಕಾರ ಅಂದ ಮೇಲೆ ಜೀವ ಹಾಗೂ ಜೀವನ ಇವೆರಡನ್ನೂ ಉಳಿಸಬೇಕು. ಭಾರತದಲ್ಲಿ ಲಕ್ಷಗಟ್ಟಲೆ ಜನರು ಸಾವನ್ನಪ್ಪುತ್ತಾರೆ ಎಂದು ತಜ್ಞರು ಹೇಳಿದ್ದರು. ತಜ್ಞರು ಹೇಳಿದಂತೆ ಆಯ್ತಾ ಎಂದು ಕೇಳಿದರು.

  ಲಾಕ್‌ಡೌನ್‌‌‌ ಸಡಿಲಿಕೆ ಮಾಡುವಾಗ ಮೋದಿ ಸರ್ಕಾರ ಇದನ್ನೆಲ್ಲಾ ಯೋಚನೆ ಮಾಡಿ ನಿರ್ಧಾರ ತೆಗೆದುಕೊಂಡಿದೆ. ಹಾಗಾಗಿ ಕೊರೊನಾ ನಿಯಂತ್ರಣಕ್ಕೆ ಬೇಕಾದಂತ ಎಲ್ಲಾ ಮುಂಜಾಗ್ರತಾ ಸರ್ಕಾರ ಕೈಗೊಂಡಿದೆ. ಬೆಂಗಳೂರಿನಲ್ಲಿ ಕಡಿಮೆ ಆಕ್ಟಿವ್‌‌‌‌ ಪ್ರಕರಣಗಳು ಇರುವ ಕಾರಣ ಪುನಃ ಲಾಕ್‌ಡೌನ್‌‌‌ ಮಾಡುವಂತ ಅವಶ್ಯಕತೆ ಇಲ್ಲ. ಮುಂಬೈ, ದೆಹಲಿ, ಬೆಂಗಳೂರಿಗೂ ವ್ಯತ್ಯಾಸವಿದೆ. ಅಲ್ಲದೇ, ಅಲ್ಲಿನ ಪರಿಸ್ಥಿತಿಯನ್ನು ಇಲ್ಲಿಗೆ ಹೋಲಿಕೆ ಮಾಡಿದರೆ ಸಾಕಷ್ಟು ವ್ಯತ್ಯಾಸಗಳಿವೆ ಎಂದರು.