ಕೊರೊನಾ ಸಂಕಷ್ಟದ ನಡುವೆ ಹೈರಾಣಾಗಿಸಿದ ತೈಲ ಬೆಲೆ - 21ನೇ ದಿನವೂ ಏರಿಕೆ

•   Sat, Jun 27 2020 08:48:29 AM



• ಬೆಂಗಳೂರು, ಜೂ 27 (Daijiworld News/MSP): ಕೊರೊನಾ ಸಂಕಷ್ಟದ ನಡುವೆ ದೇಶದ ಜನತೆಗೆ ಏರಿಕೆಯಾಗುತ್ತಿರುವ ಪೆಟ್ರೋಲ್‌ - ಡೀಸೆಲ್‌ ಬೆಲೆ ಹೈರಾಣಾಗಿಸಿದೆ. ಸತತ 20 ದಿನಗಳಿಂದಲೂ ತೈಲ ಬೆಲೆ ಏರಿಕೆಯಾಗುತ್ತಿದ್ದು, ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ 21 ನೇ ದಿನವಾದ ಇಂದು ಕೂಡಾ ಏರುಮುಖ ಮಾಡಿದೆ.

  

  ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಇಂದು ಪೆಟ್ರೋಲ್‌ ಬೆಲೆಯಲ್ಲಿ 21 ಪೈಸೆ ಹಾಗೂ ಡೀಸೆಲ್‌ ಬೆಲೆಯಲ್ಲಿ 20 ಪೈಸೆ ಏರಿಕೆಯಾಗಿದೆ. ಹೀಗಾಗಿ ಪೆಟ್ರೋಲ್‌ ಬೆಲೆ ಪ್ರತಿ ಲೀಟರ್‌ ಗೆ 80.38 ರೂಪಾಯಿಗಳಾಗಿದ್ದು, ಡೀಸೆಲ್‌ ಬೆಲೆ ಪ್ರತಿ ಲೀಟರ್‌ ಗೆ 80.40 ರೂಪಾಯಿಗಳಾಗಿದೆ.

  ಕೊರೊನಾ ಭೀತಿಯಿಂದ ಜನಜೀವನ ತತ್ತರಿಸುತ್ತಿರುವಾಗ ದೇಶದಲ್ಲಿ ಸತತವಾಗಿ ಪೆಟ್ರೋಲ್ ಹಾಗೂ ಡೀಸೆಲ್‌ ಬೆಲೆಗಳಲ್ಲಿ ಏರಿಕೆ ವಾಹನ ಸವಾರರ ಜೇಬು ಸುಡುವಂತಾಗಿದೆ.