'ಅನ್ನಭಾಗ್ಯದ ಕಲ್ಪನೆಯನ್ನು ಕೊಟ್ಟಿದ್ದು ನಾನು, ನಿಮ್ಮ ಸಾಧನೆಯಲ್ಲ' - ಸಿದ್ದರಾಮಯ್ಯ ವಿರುದ್ದ ವಿಶ್ವನಾಥ್‌‌ ವಾಗ್ದಾಳಿ

•   Sat, Jul 04 2020 03:19:01 PM



• ಮೈಸೂರು, ಜು 04 (DaijiworldNews/PY): ಪ್ರಧಾನಿ ಮೋದಿ ಅವರದ್ದು ಗುಜರಾತ್ ಮಾಡೆಲ್ ಇದೆ, ನಿಮ್ಮ ಮಾಡೆಲ್ ಏನಿದೆ. ನಿಮಗೆ ಅನ್ನಭಾಗ್ಯದ ಕಲ್ಪನೆಯನ್ನು ಕೊಟ್ಟಿದ್ದು ನಾನೇ ಅದು ಕೂಡ ನಿಮ್ಮ ಸಾಧನೆಯಲ್ಲ ವಿಶ್ವನಾಥ್‌ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ವಿರುದ್ದ ಕಿಡಿಕಾರಿದ್ದಾರೆ.

  

  ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಪ್ರಧಾನಿ ಬಗ್ಗೆ ಮಲ್ಲಿಕಾರ್ಜುನ ಖರ್ಗೆ ಹಾಗೂ ಸಿದ್ದರಾಮಯ್ಯ ಟೀಕೆ ವಿಚಾರ ಸಂಬಂಧ ವಾಗ್ದಾಳಿ ನಡೆಸಿದರು.

  ವಿಪಕ್ಷಗಳು ಪ್ರಧಾನಿ ಮೋದಿ ಅವರ ವಿರುದ್ದ ಟೀಕೆ ಮಾಡುತ್ತಿದ್ದಾರೆ. ವಿಪಕ್ಷಗಳು ಮಾಡಿರುವ ಪದ ಪ್ರಯೋಗವನ್ನು ದೇಶದ ಜನತೆ ಮೆಚ್ಚುವುದಿಲ್ಲ. ವಿಪಕ್ಷ ಮಾಡಿರುವ ಸಾಧನೆ ಹಾಗೂ ಪ್ರಧಾನಿ ಮೋದಿ ಅವರು ಮಾಡಿರುವ ಸಾಧನೆಗೆ ಸಾಕಷ್ಟು ವ್ಯತ್ಯಾಸವಿದೆ ಎಂದರು.

  ಪ್ರಧಾನಿ ಮೋದಿ ಅವರ ಮೇಲೆ ಆರೋಪ ನಡೆಸಿರುವ ರಾಹುಲ್‌‌‌‌ ಗಾಂಧಿ ಪ್ರಧಾನಿ ಮೋದಿ ಅವರಿಗೆ ಗೌರವ ನೀಡುವುದಿಲ್ಲ. ರಾಹುಲ್‌ ಗಾಂಧಿ ಕಾಂಗ್ರೆಸ್‌‌ನಲ್ಲಿ ಪ್ರಧಾನಿಯಾದವರಿಗೇ ಗೌರವ ನೀಡಿಲ್ಲ. ಇನ್ನು ಸಿದ್ದರಾಮಯ್ಯ ಅವರು ಪ್ರಧಾನಿ ಮೋದಿ ಅವರನ್ನು ಅನ್‌ಫಿಟ್‌ ಎನ್ನುತ್ತಾರೆ. ನೀವು ಮೊದಲು ಗೌರವ ಕೊಡುವುದನ್ನು ಕಲಿಯಿರಿ ಎಂದು ಹೇಳಿದರು.

  ಸುಮ್ಮನೆ ಪ್ರಧಾನಿ ಮೋದಿ ಅವರ ಮೇಲೆ ಆರೋಪ ನಡೆಸಬೇಡಿ. ವಿಪಕ್ಷಗಳ ಸಾಧನೆ ಏನು, ಪ್ರಧಾನಿ ಮೋದಿ ಅವರ ಸಾಧನೆ ಏನು. ಕೇಂದ್ರ ಹಾಗೈ ರಾಜ್ಯ ಸರ್ಕಾರದ ವಿರುದ್ದ ಆರೋಪ ಇದ್ದರೆ ದಾಖಲೆ ನೀಡಿ. ಹಿಟ್‌ ಆಂಡ್‌‌ ರನ್‌ ಮಾಡಬೇಡಿ ಎಂದರು.