ಒಡಿಶಾ: ನಾಲ್ವರು ನಕ್ಸಲರನ್ನು ಎನ್‌ಕೌಂಟರ್‌ ಮಾಡಿದ ಭದ್ರತಾ ಪಡೆ

•   Sun, Jul 05 2020 01:25:03 PM



• ಭುವನೇಶ್ವರ, ಜು. 05 (DaijiworldNews/MB) : ನಕ್ಸಲರು ಹಾಗೂ ಭದ್ರತಾ ಪಡೆಗಳ ನಡುವೆ ಗುಂಡಿನ ಚಕಮಕಿ ನಡೆದಿದ್ದು ನಾಲ್ವರು ನಕ್ಸಲರನ್ನು ಭದ್ರತಾ ಪಡೆಗಳು ಒಡಿಶಾದ ಕಂದಮಾಲ್ ಜಿಲ್ಲೆಯ ಸಿರ್ಲಾ ಅರಣ್ಯದಲ್ಲಿ ಹೊಡೆದುರುಳಿಸಿದೆ.

  

  ಸಿರ್ಲಾ ಕಾಡಿನಲ್ಲಿ ನಕ್ಸಲರ ಶಿಬಿರ ಇದೆ ಎಂದು ಮಾಹಿತಿ ದೊರೆತ ಹಿನ್ನಲೆಯ ಕಾರ್ಯಚರಣೆ ನಡೆಸಿದ ಯೋಧರು ಮತ್ತು ಜಿಲ್ಲಾ ಸ್ವಯಂಸೇವಕ ಪಡೆ ನಾಲ್ವರು ನಕ್ಸಲರನ್ನು ಹತ್ಯೆ ಮಾಡಿದ್ದು ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಕ್ಕೆ ಪಡೆದಿದೆ ಎಂದು ವರದಿಯಾಗಿದೆ.

  ಇನ್ನು ಈ ನಾಲ್ವರು ನಕ್ಸಲರು ಕೂಡಾ ಪೊಲೀಸರಿಗೆ ಬೇಕಾಗಿದ್ದ ಕುಖ್ಯಾತ ನಕ್ಸಲರು ಎನ್ನಲಾಗಿದೆ.