ಟ್ವೀಟ್ ವಾರ್ : ’ತಾನೇ ಕಳ್ಳ, ಪರರ ನಂಬ ’ - ಸಿದ್ದರಾಮಯ್ಯಗೆ ಸಿ.ಟಿ ರವಿ ಟಾಂಗ್

•   Tue, Jul 07 2020 04:32:27 PM



• ಬೆಂಗಳೂರು, ಜು 07 (Daijiworld News/MSP): ಮುಖ್ಯಮಂತಿ ಬಿ.ಎಸ್ ಯಡಿಯೂರಪ್ಪ ಅವರನ್ನು ಹೊಗಳಿದ್ದು ಮನಸ್ಸಿನಿಂದಲೋ ನಾಲಿಗೆಯಿಂದಲೋ?'' ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿ.ಎಲ್.ಸಂತೋಷ್ ಟ್ವೀಟ್ ಮೂಲಕ ತಿವಿದ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯನವರನ್ನು ಸಚಿವ ಸಿ.ಟಿ ರವಿ ತರಾಟೆಗೆತ್ತಿಗೊಂಡಿದ್ದಾರೆ.

  

  ಟ್ವೀಟ್ ಮೂಲಕವೇ ತಿರುಗೇಟು ನೀಡಿದ್ದು, "ತಾನೇ ಕಳ್ಳ, ಪರರ ನಂಬ" ಎಂದು ಪರೋಕ್ಷವಾಗಿ ಸಿದ್ದರಾಮಯ್ಯನವರಿಗೆ ಟಾಂಗ್ ನೀಡಿದ್ದರೆ. ನಿಮ್ಮ ಹಾಗೂ ಕೆಪಿಸಿಸಿ ಅಧ್ಯಕ್ಷ ನಡುವೆ ಇರುವಂತೆ ಬಿ.ಎಲ್ ಸಂತೋಷ್ ಅವರಿಗೆ ಒಳಗೊಂದು ಹೊರಗೊಂದು ಇಲ್ಲ. ಯಾರೇ ಒಳ್ಳೆಯ ಕೆಲಸ ಮಾಡಿದಾಗ ಪ್ರಶಂಸೆ ಮಾಡುತ್ತಾರೆ. ತಪ್ಪು ಮಾಡಿದಾಗ ತಿಳಿಹೇಳುತ್ತಾರೆ. ಅವರಂತ ಬದುಕನ್ನೇ ರಾಷ್ಟ್ರಕ್ಕೆ ಸಮರ್ಪಿಸಿಕೊಂಡವರಿಗೆ ನಿಮಗಿರುವ ಸಣ್ಣ ಬುದ್ಧಿ ಇರಲ್ಲ ಬಿಡಿ ಎಂದು ಸಂತೋಷ್ ಅವರ ಪರ ಸಮರ್ಥಿಸಿಕೊಂಡಿದ್ದಾರೆ.

  ಇದಲ್ಲದೇ ಚೀನಾ ಎರಡು ಕಿಲೋಮೀಟರ್ ಹಿಂದೆ ಸರಿದಿದೆ ಎಂದು ಹೇಳಲು ನೀವೇನು ರಕ್ಷಣಾ ಸಚಿವರೇ ಎಂದು ಸಿದ್ದರಾಮಯ್ಯ ಅವರು ಪ್ರಶ್ನಿಗೆ , " ಚೀನಾ ಗಡಿ ಒಳಗೆ ನುಸುಳಿದೆ ಎಂದು ನೀವೇನು ನೋಡಿ ಬಂದಿದ್ದೀರಾ? ಒಂದು ಪಕ್ಷದ ರಾಷ್ಟ್ರೀಯ ಸಂಘಟನಾ ಪ್ರಧಾನ ಕಾರ್ಯದರ್ಶಿಗೆ ಪ್ರಾಥಮಿಕ ಮಾಹಿತಿ ಇರುತ್ತದೆಂಬುದು ಸಾಮಾನ್ಯ ಬುದ್ಧಿ ಇದ್ದವರಿಗೂ ತಿಳಿಯುತ್ತದೆ ಸಚಿವ ಸಿ.ಟಿ ರವಿ, ಸಿದ್ದರಾಮಯ್ಯ ಅವರ ದಾಟಿಯಲ್ಲೇ ಉತ್ತರಿಸಿದ್ದಾರೆ.