8 ಪೊಲೀಸರನ್ನ ಹತ್ಯೆ ನಡೆಸಿದ್ದ 'ಮೋಸ್ಟ್‌ ವಾಂಟೆಡ್‌ ರೌಡಿ ವಿಕಾಸ್'‌ ದುಬೆ ಅರೆಸ್ಟ್

•   Thu, Jul 09 2020 11:07:45 AM



• ಮಧ್ಯಪ್ರದೇಶ,ಜು 09 (Daijiworld News/MSP): ತನ್ನನ್ನು ಬಂಧಿಸಲು ಬಂದ 8 ಪೊಲೀಸರನ್ನ ಹತ್ಯೆ ನಡೆಸಿ ತಲೆಮರೆಸಿಕೊಂಡಿದ್ದ, ಉತ್ತರ ಪ್ರದೇಶದ  ಮೋಸ್ಟ್‌ ವಾಂಟೆಡ್‌ ರೌಡಿ ವಿಕಾಸ್‌ ದುಬೆಯನ್ನ ಮಧ್ಯ ಪ್ರದೇಶದ ಉಜ್ಜಯಿನಿ ಬಳಿ ಪೊಲೀಸರು ಅರೆಸ್ಟ್‌ ಮಾಡಿದ್ದಾರೆ.

  

  ಉತ್ತರ ಪ್ರದೇಶ ಪೊಲೀಸರು ತನ್ನನ್ನು ಎನ್ ಕೌಂಟರ್ ಮಾಡಬಹುದು ಎಂಬ ಭಯದಿಂದ ವಿಕಾಸ್ ದುಬೆ ಮಧ್ಯಪ್ರದೇಶಕ್ಕೆ ತೆರಳಿದ್ದು ಅಲ್ಲಿ ಮಹಾಕಾಳ ದೇವಾಸ್ಥಾನಕ್ಕೆ ವಿಕಾಸ್‌ ದುಬೆ ಇಂದು ಮುಂಜಾನೆ ತೆರಳಿದ್ದಾನೆ. ದೇವಾಲಯ ಮುಂಗಡವಾಗಿ ಬುಕ್ಕಿಂಗ್‌ ಮಾಡಿದವರಿಗೆ ದರ್ಶನದ ವ್ಯವಸ್ಥೆ ಕಲ್ಪಿಸುತ್ತಿದೆ.

  ದೇವಾಲಯದ ಒಳಗೆ ಪ್ರವೇಶಿಸಲು ಪ್ರಾರ್ಥನಾ ಸಾಮಾಗ್ರಿ ಖರೀದಿಸುತ್ತಿದ್ದ ವೇಳೆ, ಅಂಗಡಿಯವರು ಅವನನ್ನು ಗುರುತಿಸಿ ಭದ್ರತಾ ಸಿಬ್ಬಂದಿಯನ್ನು ಎಚ್ಚರಿಸಿದ್ದಾರೆಂದು ವರದಿಯಾಗಿದೆ. ಅವನು ದೇವಾಲಯದಿಂದ ಹೊರಬಂದಾಗ ಕಾವಲುಗಾರರು ಅವನನ್ನು ಪ್ರಶ್ನಿಸಿದರು. ಈ ವೇಳೆ ನಾನು ವಿಕಾಸ್‌ ದುಬೆ ಎಂದು ಜೋರಾಗಿ ಅರಚಿಕೊಂಡು ಹೇಳಿದ್ದಾನೆ. ಕೂಡಲೇ ದೇವಾಲಯದ ರಕ್ಷಣ ಸಿಬ್ಬಂದಿಗಳು ಆತನನ್ನ ಬಂಧಿಸಿ ಪೊಲೀಸರಿಗೆ ಒಪ್ಪಿಸಿದ್ದಾರೆ ಎಂದು ತಿಳಿದುಬಂದಿದೆ.