'ಮಾನಸಿಕ ಸ್ಥಿಮಿತ ಕಳೆದುಕೊಂಡಿರುವ ನೇಪಾಳ ಪ್ರಧಾನಿ' - ಕಾಂಗ್ರೆಸ್‌ ನಾಯಕ ಸಿಂಘ್ವಿ ಕಿಡಿ

•   Tue, Jul 14 2020 01:14:36 PM



• ನವದೆಹಲಿ, ಜು.14 (DaijiworldNews/MB) : ''ನೇಪಾಲ ಪ್ರಧಾನಿ ಕೆ.ಪಿ ಶರ್ಮ ಒಲಿ ತನ್ನ ಮಾನಸಿಕ ಸ್ಥಿಮಿತವನ್ನು ಕಳೆದುಕೊಂಡಿದ್ದಾರೆ'' ಎಂದು ಕಾಂಗ್ರೆಸ್‌ನ ಹಿರಿಯ ನಾಯಕ ಅಭಿಷೇಕ್ ಮನು ಸಿಂಘ್ವಿ ನೇಪಾಳ ಪ್ರಧಾನಿಯ ವಿರುದ್ಧ ಕಿಡಿಕಾರಿದ್ದಾರೆ.

  

  ರಾಮ ನೇಪಾಳಿ, ಅಯೋಧ್ಯೆ ನೇಪಾಳದಲ್ಲಿದೆ ಎಂದು ಹೇಳಿದ ನೇಪಾಳ ಪ್ರಧಾನಿಯನ್ನು ಟೀಕೆ ಮಾಡಿ ಟ್ವೀಟ್‌ ಮಾಡಿರುವ ಸಿಂಘ್ವಿ, ''ನೇಪಾಳದ ಪ್ರಧಾನಿ ಒಲಿಯವರು ತಮ್ಮ ಮಾನಸಿಕ ಸ್ಥಿಮಿತವನ್ನು ಕಳೆದುಕೊಂಡಿರುವಂತೆ ತೋರುತ್ತದೆ. ಹತಾಶ ಚೀನಾ ಹೇಳಿಕೊಟ್ಟದ್ದನ್ನೇ ಹೇಳುವ ಗಿಣಿಯಂತೆ ಅಥವಾ ಕೈಗೊಂಬೆಯಂತೆ ಕಾಣುತ್ತದೆ. ಮೊದಲು ಅವರು ಹಿಂದೆಂದೂ ಚೀನಾ ಹಕ್ಕು ಸಾಧಿಸದ ಪ್ರದೇಶಗಳನ್ನು ತಮ್ಮದು ಎಂದು ಪ್ರತಿಪಾದಿಸಿದರು. ಈಗ ಅವರು ನೇಪಾಳದಿಂದ ನೂರಾರು ಮೈಲಿ ದೂರದಲ್ಲಿರುವ ಅಯೋಧ್ಯೆಯನ್ನು ಸ್ಥಳಾಂತರಿಸಿದ್ದಾರೆ. ರಾಮರಾಜ್ಯವನ್ನು ಸ್ಥಳಾಂತರಿಸುತ್ತಾರೆ'' ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  ಈ ಹಿಂದೆ ಭಾರತದ ಭೂ ಪ್ರದೇಶವನ್ನು ತಮ್ಮ ನಕ್ಷೆಯಲ್ಲಿ ಸೇರಿಸುವ ಮೂಲಕ ವಿವಾದಕ್ಕೆ ನಾಂದಿ ಹಾಡಿದ್ದ ನೇಪಾಳ ಪ್ರಧಾನಿ ಕೆ.ಪಿ. ಶರ್ಮ ಒಲಿ ರಾಮ ನೇಪಾಳಿ, ನಿಜವಾದ ಅಯೋಧ್ಯೆ ನೇಪಾಳದಲ್ಲಿದೆ. ಭಾರತ ಸುಳ್ಳು ಪ್ರತಿಪಾಧಿಸುತ್ತಾ ಬಂದಿದೆ. ರಾಮನ ತಂದೆ ದಶರಥ ಪುತ್ರನನ್ನು ಪಡೆಯಲು ಧಾರ್ಮಿಕ ವಿಧಿಗಳನ್ನು ನೆರವೇರಿಸಿದ್ದು ನೇಪಾಳದ ರಿಧಿಯಲ್ಲಿ ಎಂದು ಸೋಮವಾರ ಹೇಳಿದ್ದಾರೆ.

  #Oli #NepalPM seems 2hv lost his mental balance or is puppet &parrot like mouthing lines scripted by desperate #Chinese. 1st he claimed territories never earlier claimed by #Nepal. Now he relocates #Ram #Sita #Ayodhya & #RamRajya a few hundred miles from Ayodhya inside Nepal!

  — Abhishek Singhvi (@DrAMSinghvi) July 14, 2020