'ದೇಶದಲ್ಲಿ ಈ ವಾರ ಕೊರೊನಾ ಪ್ರಕರಣವು 10 ಲಕ್ಷ ದಾಟಲಿದೆ' - ರಾಹುಲ್‌ ಗಾಂಧಿ

•   Tue, Jul 14 2020 01:34:13 PM



• ನವದೆಹಲಿ ‌, ಜು 14 (DaijiworldNews/PY): ಈ ವಾರ ದೇಶದಲ್ಲಿ ಒಟ್ಟು ಕೊರೊನಾ ಪ್ರಕರಣವು 10 ಲಕ್ಷ ದಾಟಲಿದೆ ಎಂದು ಮಂಗಳವಾರ ಕಾಂಗ್ರೆಸ್‌ ಮುಖಂಡ ರಾಹುಲ್‌‌‌‌‌‌ ಗಾಂಧಿ ಹೇಳಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು ಈ ವಾರ ದೇಶದಲ್ಲಿ ಕೊರೊನಾ ಪ್ರಕರಣವು 10 ಲಕ್ಷ ದಾಟಲಿದೆ ಎಂದಿದ್ದಾರೆ.

  ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳದಿದ್ದರೆ ವಿಶ್ವದಲ್ಲಿ ಕೊರೊನಾ ಪರಿಸ್ಥಿತಿ ಮತ್ತಷ್ಟು ಹದಗೆಡುತ್ತದೆ ಎಂದು ಡಬ್ಲ್ಯುಎಚ್‌ಒ ಮುಖ್ಯಸ್ಥರನ್ನು ಉಲ್ಲೇಖಿಸಿ ಸುದ್ದಿ ವರದಿಯೊಂದನ್ನು ರಾಹುಲ್‌ ಗಾಂಧಿ ಟ್ಯಾಗ್‌‌ ಮಾಡಿದ್ದಾರೆ.

  ಕೇಂದ್ರ ಆರೋಗ್ಯ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, ಮಂಗಳವಾರ ಒಂದೇ ದಿನ ಭಾರತದಲ್ಲಿ 28,498 ಹೊಸ ಪ್ರಕರಣಗಳು ದಾಖಲಾಗಿದ್ದು, ಆ ಮೂಲಕ ಕೊರೊನಾ ಸೋಂಕಿತರ ಸಂಖ್ಯೆ 9 ಲಕ್ಷ ದಾಟಿದೆ.

  ಕೊರೊನಾದೊಂದಿಗೆ ಹೋರಾಡುವ ಬಗ್ಗೆ ಕೇಂದ್ರದ ಕ್ರಮಗಳ ಬಗ್ಗೆ ಸೋಮವಾರ ರಾಹುಲ್‌ ಗಾಂಧಿ ಅವರು ಪ್ರಶ್ನಿಸಿದ್ದು, ಕೊರೊನಾ ವಿರುದ್ದದ ಹೋರಾಟದಲ್ಲಿ ಭಾರತವು ಉತ್ತಮ ಸ್ಥಾನದಲ್ಲಿದೆ ಎಂದಿದ್ದರು.

  ಸರ್ಕಾರವು ಕೊರೊನಾ ಪರಿಸ್ಥಿತಿಯನ್ನು ನಿಭಾಯಿಸುವುದರ ಬಗ್ಗೆ ಅವರು ಟೀಕಿಸಿದ್ದರು.

  इस हफ़्ते हमारे देश में आँकड़ा 10,00,000 पार कर जाएगा।https://t.co/SFeRhgwcFb

  — Rahul Gandhi (@RahulGandhi) July 14, 2020