ಗ್ಯಾಂಗ್‌‌ಸ್ಟರ್‌‌‌‌ ವಿಕಾಸ್‌ ದುಬೆ ಸಹಚರ ಪೊಲೀಸರ ವಶಕ್ಕೆ

•   Tue, Jul 14 2020 04:31:12 PM



• ಲಕ್ನೋ, ಜು 14 (DaijiworldNews/PY): ಗ್ಯಾಂಗ್‌ಸ್ಟರ್‌‌ ವಿಕಾಸ್‌‌ ದುಬೆ ಸಹಚರ ಶಶಿಕಾಂತ್‌ ಅಲಿಯಾಸ್‌ ಸೋನು ಪಾಂಡೆಯನ್ನು ಉತ್ತರಪ್ರದೇಶದ ಪೊಲೀಸರು ಚೌಬೇಪುರದ ಬಳಿ ಬಂಧಿಸಿದ್ದಾರೆ.

  

  ಸೋಮವಾರ ರಾತ್ರಿ ಶಶಿಕಾಂತ್‌‌ನನ್ನು ಉತ್ತರಪ್ರದೇಶದ ಚೌಬೆಪುರದ ಬಳಿ ಬಂಧಿಸಲಾಗಿದೆ. ಈತನಿಂದ ಕಾನ್ಪುರ ಬಿಕ್ರು ಗ್ರಾಮದಲ್ಲಿ ಪೊಲೀಸರ ಮೇಲೆ ದಾಳಿ ನಡೆಸಿದ್ದ ವೇಳೆ ಲೂಟಿ ಮಾಡಿದ್ದ ಎರಡು ರೈಫಲ್‌ಗಳನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ.

  ‌ ಕಾನ್ಪುರ ಜಿಲ್ಲೆಯಲ್ಲಿ ಪೊಲೀಸರ ಮೇಲೆ ನಡೆದ ದಾಳಿಯ ಘಟನೆಯಲ್ಲಿ ಇದ್ದಿರುವುದಾಗಿ ಶಶಿಕಾಂತ್‌ ಸತ್ಯ ಒಪ್ಪಿಕೊಂಡಿದ್ದಾನೆ. ದಾಳಿಯ ಸಂದರ್ಭ ಲೂಟಿ ಮಾಡಿದ್ದ ಎಕೆ-47 ಅನ್ನು ಈತ ದುಬೆಯ ಮನೆಯಲ್ಲಿಟ್ಟಿದ್ದು, ಮತ್ತೊಂದು ಐಎನ್‌‌‌ಎಸ್‌‌‌ಎಎಸ್‌‌‌‌ ರೈಫನ್‌‌ ಅನ್ನು ತನ್ನ ಮನೆಯಲ್ಲಿಯೇ ಇಟ್ಟುಕೊಂಡಿದ್ದ ಎನ್ನುವುದಾಗಿ ಹೆಚ್ಚುವರಿ ಪೊಲೀಸ್‌ ಮಹಾನಿರ್ದೇಶಕ ಪ್ರಶಾಂತ್‌‌ ಕುಮಾರ್‌ ಮಾಹಿತಿ ನೀಡಿದ್ದಾರೆ.

  ಎನ್‌‌ಕೌಂಟರ್‌‌ಗೆ ಬಿಕ್ರು ಗ್ರಾಮದಲ್ಲಿನ ಘಟನೆಗೆ ಸಂಬಂಧಪಟ್ಟಂತೆ 21 ಆರೋಪಿಗಳ ಪೈಕಿ 6 ಮಂದಿ ಸಾವನ್ನಪ್ಪಿದ್ದು, ನಾಂಲ್ಕು ಮಂದಿಯನ್ನು ಬಂಧಿಸಲಾಗಿದೆ. ಉಳಿದಂತೆ ಆರೋಪಿಗಳ ಬಂಧನಕ್ಕೆ ಕಾರ್ಯಾಚರಣೆಯಾಗಿದೆ ಎಂದಿದ್ದಾರೆ.