ರಾಜ್ಯದಲ್ಲಿ 2,496 ಹೊಸ ಕೊರೊನಾ ಪ್ರಕರಣ ಪತ್ತೆ - 87 ಮಂದಿ ಸಾವು

•   Tue, Jul 14 2020 09:34:21 PM



• ಬೆಂಗಳೂರು, ಜು 14 (DaijiworldNews/PY): ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ತೀವ್ರವಾಗಿ ಏರಿಕೆಯಾಗುತ್ತಲ್ಲೇ ಇದ್ದು ಮಂಗಳವಾರ 2,496 ಹೊಸ ಕೊರೊನಾ ಪ್ರಕರಣಗಳು ಪತ್ತೆಯಾಗಿದ್ದು, ಇಂದು ಒಂದೇ ದಿನ 87 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ.

  

  ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 44,077 ಕ್ಕೆ ಏರಿಕೆಯಾಗಿದ್ದು ಈವರೆಗೆ 842 ಮಂದಿ ಕೊರೊನಾದಿಂದಾಗಿ ಸಾವನ್ನಪ್ಪಿದ್ದಾರೆ.

  ಇನ್ನು ಮಂಗಳವಾರ ದೃಢಪಟ್ಟ 2,496 ಕೊರೊನಾ ಪ್ರಕರಣಗಳ ಪೈಕಿ ಬೆಂಗಳೂರಿನಲ್ಲಿ ಒಂದೇ ದಿನ 1,267 ಮಂದಿಗೆ ಸೋಂಕು ತಗುಲಿದೆ.

  ರಾಜ್ಯದಲ್ಲಿ ಇಂದು 1,142 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು ಈವರೆಗೆ 17,390 ಮಂದಿ ಗುಣಮುಖರಾಗಿದ್ದಾರೆ. ರಾಜ್ಯದಲ್ಲಿ ಒಟ್ಟು 25,839 ಪ್ರಕರಣ ಸಕ್ರಿಯವಾಗಿದೆ.

  ಇನ್ನು ದಕ್ಷಿಣ ಕನ್ನಡ 91, ಧಾರವಾಡ 100, ಕಲಬುರಗಿ 121, ಬಳ್ಳಾರಿ 99 ಹಾಗೂ ಮೈಸೂರು125, ಹಾಸನ 4, ಕೊಪ್ಪಳ 98, ಉತ್ತರ ಕನ್ನಡ 64, ಚಿಕ್ಕಬಳ್ಳಾಪುರ 13, ಕೋಲಾರ 11, ರಾಯಚೂರು 25, ದಾವಣಗೆರೆ 17, ಬೆಂಗಳೂರು ಗ್ರಾಮಾಂತರ 14, ಶಿವಮೊಗ್ಗ 10, ಗದಗ 9, ಚಾಮರಾಜನಗರ 8, ಚಿಕ್ಕಮಗಳೂರು 3, ಯಾದಗಿರಿ 2, ಬಾಗಲಕೋಟೆ 78, ಉಡುಪಿ 73, ಬೆಳಗಾವಿ 64, ವಿಜಯಪುರ 52, ತುಮಕೂರು 47, ಬೀದರ್ 42, ಮಂಡ್ಯ 38 ಹಾಗೂ ರಾಮನಗರದಲ್ಲಿ ಓರ್ವನಿಗೆ ಕೊರೊನಾ ಸೋಂಕು ಪತ್ತೆಯಾಗಿದೆ.