'ಕಾಲಿಡಿದು, ಕಾಂಗ್ರೆಸ್‌ಗೆ ಸೇರಿಸಿ, ಬಿಎಸ್‌ವೈ ಕುರ್ಚಿಯಿಂದ ಕೆಳಗಿಳಿಯುತ್ತಾರೆ ಎಂದಿದ್ದ ಯೋಗೇಶ್ವರ್' - ಡಿಕೆಶಿ

•   Fri, Jul 31 2020 09:07:46 AM



• ಬೆಂಗಳೂರು, ಜು. 31 (DaijiworldNews/MB) : ''15 ದಿನಗಳ ಹಿಂದೆ ಯೋಗೇಶ್ವರ್ ನನ್ನ ಕಾಲು ಹಿಡಿದು ಕಾಂಗ್ರೆಸ್‌ಗೆ ಸೇರಿಸಿಕೊಳ್ಳಿ ಎಂದು ಹೇಳಿದ್ದ ಅಷ್ಟೇ ಅಲ್ಲದೆ ಯಡಿಯೂರಪ್ಪನವರನ್ನು ಸದ್ಯದಲ್ಲೇ ತನ್ನ ಕುರ್ಚಿಯಿಂದ ಕೆಳಗಿಳಿಯುತ್ತಾರೆ ಎಂದು ಹೇಳಿದ್ದ'' ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್‌ ತಿರುಗೇಟು ನೀಡಿದರು.

  

  ವಿಧಾನ ಪರಿಷತ್ ಸದಸ್ಯ ಸಿ.ಪಿ. ಯೋಗೇಶ್ವರ್ ನೀಡಿದ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ಅವರು, ''ಯೋಗೇಶ್ವರ್ ನನ್ನ ಬಳಿಗೆ ಬಂದು ಕಾಲು ಹಿಡಿದು ಕಾಂಗ್ರೆಸ್‌ಗೆ ಸೇರಿಸುವಂತೆ ಹೇಳಿದ್ದ. ಎಷ್ಟು ಹೇಳಿದರೂ ಕಾಲು ಬಿಡಲಿಲ್ಲ. ಯಡಿಯೂರಪ್ಪನವರನ್ನು ಕುರ್ಚಿಯಿಂದ ಕೆಳಗಿಸುತ್ತಾರೆ ಎಂದಿದ್ದ. ಆಗ ನಾನು ಬೇಡಪ್ಪ, ನೀನು ಬಿಜೆಪಿಗೆ ನಿಷ್ಟವಂತನಾಗಿರು ಎಂದು ಹೇಳಿ ವಾಪಾಸ್‌ ಕಳುಹಿಸಿದೆ'' ಎಂದು ಹೇಳಿದ್ದಾರೆ.

  ಸಿ.ಪಿ. ಯೋಗೇಶ್ವರ್‌ ಅವರು, ''ಡಿಕೆಶಿ ಕೆಪಿಸಿಸಿ ಅಧ್ಯಕ್ಷರಾಗಿ ಹಗಲು ವೇಳೆ ಮಾತ್ರ ಕೆಲಸ ಮಾಡುತ್ತಾರೆ. ರಾತ್ರಿ ನಮ್ಮ ಮುಖ್ಯಮಂತ್ರಿ ಬಳಿ ಬಂದು ಕೆಲಸ ಮಾಡಿಸಿಕೊಳ್ಳುತ್ತಾರೆ'' ಎಂದು ವ್ಯಂಗ್ಯ ಮಾಡಿದ್ದು ಇದಕ್ಕೆ ತಿರುಗೇಟು ನೀಡಿರುವ ಡಿಕೆಶಿ, ಅವರು ನನ್ನಲ್ಲಿಗೆ ಬಂದು ನನ್ನ ಕಾಲು ಹಿಡಿದು ಬೇಡಿಕೊಂಡಿದ್ದರು. ಆದರೆ ಈಗ ಯಾಕೆ ಹೀಗೆ ವರಸೆ ಬದಲಾಯಿಸಿದ್ದಾರೆ ಗೊತ್ತಿಲ್ಲ. ಮೆಂಟಲ್‌ ಆಗಿದ್ದಾರಾ'' ಎಂದು ಟೀಕೆ ಮಾಡಿದರು.

  ಇನ್ನು ಡಿಕೆಶಿ ಹೇಳಿಕೆಯ ಬೆನ್ನಲ್ಲೇ, ''ಡಿಕೆಶಿ ಭೇಟಿಗೆ ಯೋಗೇಶ್ವರ್ ಬಂದದ್ದು ನಿಜ. ಅದಕ್ಕೆ ನಾನೇ ಸಾಕ್ಷಿ'' ಎಂದು ತಿಳಿಸಿದ್ದಾರೆ.