ವಿಶಾಖಪಟ್ಟಣಂನಲ್ಲಿ ಮತ್ತೊಂದು ದುರಂತ - ದೈತ್ಯ ಕ್ರೇನ್ ಉರುಳಿ ಹತ್ತು ಮಂದಿ ಸಾವು

•   Sat, Aug 01 2020 02:46:29 PM



• ಆಂಧ್ರಪ್ರದೇಶ, ಆ 1 (Daijiworld News/MSP): ವಿಶಾಖಪಟ್ಟಣಂ ಗ್ಯಾಸ್ ದುರಂತ ಮಾಸುವ ಮುನ್ನವೇ , ಮತ್ತೊಂದು ಅನಾಹುತ ಸಂಭವಿಸಿ ಕನಿಷ್ಟ ಹತ್ತು ಮಂದಿ ಸಾವಿಗೀಡಾದ ಘಟನೆ ಆ.1 ರ ಶನಿವಾರ ಮಧ್ಯಾಹ್ನ 12.30 ರಂದು ನಡೆದಿದೆ.

  

  

  ವಿಶಾಖಪಟ್ಟಣಂನ ಹಿಂದೂಸ್ತಾನ್ ಶಿಪ್‌ಯಾರ್ಡ್ ಲಿಮಿಟೆಡ್‌ನಲ್ಲಿ ದೈತ್ಯ ಕ್ರೇನ್ ನೊಂದು ಉರುಳಿ ಬಿದ್ದ ಪರಿಣಾಮ ಕನಿಷ್ಠ ಹತ್ತು ಮಂದಿ ಸಾವನ್ನಪ್ಪಿದ್ದು ಹಲವಾರು ಜನರು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

  ಪ್ರಾಥಮಿಕ ವರದಿಗಳ ಪ್ರಕಾರ, ಅಧಿಕಾರಿಗಳು ಮತ್ತು ಅದರ ನಿರ್ವಾಹಕರು ಕ್ರೇನ್ ಇದ್ದಕ್ಕಿದ್ದಂತೆ ಕುಸಿದು ಬೀಳುವ ಮುಂಚೆ ಅದರ ದಕ್ಷತೆ ಹಾಗೂ ಕಾರ್ಯ ಕ್ಷಮತೆಯನ್ನು ಪರಿಶೀಲಿಸುತ್ತಿದ್ದರು ಎಂದು ತಿಳಿದುಬಂದಿದೆ.

  ಕ್ರೇನ್ ನಡಿ ಸಿಲುಕಿದ್ದ ಹಲವಾರು ಕಾರ್ಮಿಕರನ್ನು ಸ್ಥಳೀಯ ಆಸ್ಪತ್ರೆಗಳಿಗೆ ಸಾಗಿಸಲಾಗಿದೆ. ಈವರೆಗೆ ಆರು ಮೃತದೇಹಗಳನ್ನು ಹೊರತೆಗೆಯಲಾಗಿದೆ ಎಂದು ತಿಳಿದುಬಂದಿದೆ.

  ಕ್ರೇನ್ ಉರುಳಿ ಬೀಳುವ ಈ ಭಯಾನಕ ಘಟನೆ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.