ಅಯೋಧ್ಯೆ ಭೂಮಿ ಪೂಜೆ - 'ನನ್ನ ಹೃದಯಕ್ಕೆ ಹತ್ತಿರವಾದ ಕನಸು ಪೂರ್ಣ' - ಅಡ್ವಾಣಿ ಭಾವುಕ

•   Wed, Aug 05 2020 01:38:41 PM



• ನವದೆಹಲಿ, ಆ. 05 (DaijiworldNews/MB) : ಜೀವನದ ಕೆಲವು ಕನಸುಗಳು ಪೂರ್ಣಗೊಳ್ಳಲು ತುಂಬಾ ಸಮಯ ಬೇಕಾಗುತ್ತದೆ. ನನ್ನ ಹೃದಯಕ್ಕೆ ಹತ್ತಿರವಾದ ಕನಸು ಇಂದು ನನಸಾಗಿದೆ ಎಂದು ರಾಮ ಮಂದಿರ ನಿರ್ಮಾಣಕ್ಕಾಗಿ ಹೋರಾಟ ನಡೆಸಿದವರಲ್ಲಿ ಮುಂಚೂಣಿಯಲ್ಲಿದ್ದ ಬಿಜೆಪಿಯ ಹಿರಿಯ ನಾಯಕ ಲಾಲ್ ಕೃಷ್ಣ ಅಡ್ವಾಣಿ ಅವರು ಹೇಳಿದ್ದಾರೆ.

  

  ನನಗಷ್ಟೇ ಅಲ್ಲದೇ ಸಮಸ್ತ ಭಾರತೀಯರಿಗೆ ಆ.05 ಐತಿಹಾಸಿಕ ಹಾಗೂ ಭಾವನಾತ್ಮಕ ದಿನ ಎಂದು ಎಲ್ ಕೆ ಅಡ್ವಾಣಿ ಮಂದಿರ ಭೂಮಿ ಪೂಜೆ ಕಾರ್ಯಕ್ರಮವನ್ನು ಬಣ್ಣಿಸಿದ್ದು ರಾಮ ಜನ್ಮಭೂಮಿ ಚಳುವಳಿಯಲ್ಲಿ ವಿಧಿ ನನ್ನನ್ನು ಪ್ರಮುಖ ಪಾತ್ರ ನಿರ್ವಹಿಸುವಂತೆ ಮಾಡಿತ್ತು ಎಂದು ಅಡ್ವಾಣಿ ತಮ್ಮ ರಥಯಾತ್ರೆಯ ದಿನಗಳನ್ನು ಮೆಲುಕುಹಾಕಿದ್ದಾರೆ. ಹಾಗೆಯೇ ಸೋಮನಾಥದಿಂದ ಅಯೋಧ್ಯೆಗೆ ವರೆಗೆ ನಡೆದ 1990ರ ಯಾತ್ರೆಯು ಅಸಂಖ್ಯ ಹೋರಾಟಗಾರರ ಆಕಾಂಕ್ಷೆ, ಶಕ್ತಿ ಮತ್ತು ಭಾವನೆಗಳು ವೃದ್ಧಿಸಲು ನೆರವಾಯಿತು. ರಾಮ ಮಂದಿರ ನಿರ್ಮಾಣವೆಂಬುದು ಐತಿಹಾಸಿಕ ಮಾತ್ರವಲ್ಲದೇ ಭಾವನಾತ್ಮಕ ಎಂದು ಅವರು ಹೇಳಿದ್ದಾರೆ

  ಹಾಗೆಯೇ ಈ ದಿನಕ್ಕಾಗಿ ಬಲಿದಾನ ನೀಡಿದ ಎಲ್ಲರಿಗೂ ಧನ್ಯವಾದ ಸಲ್ಲಿಸಿದ್ದಾರೆ.