ಬಿಎಸ್‌ವೈ ಪುತ್ರನೆಂದಲ್ಲ, ನನ್ನ ಉತ್ತಮ ಕೆಲಸಕ್ಕಾಗಿ ಪಕ್ಷದಲ್ಲಿ ಸ್ಥಾನ ನೀಡಿದ್ದಾರೆ - ವಿಜಯೇಂದ್ರ

•   Sun, Aug 09 2020 03:05:14 PM



• ಬೆಂಗಳೂರು, ಆ 09(DaijiworldNews/HR): ನಾನು ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ಅವರ ಮಗ ಎಂದಲ್ಲ, ನಾನು ಮಾಡಿರುವ ಉತ್ತಮ ಕೆಲಸಗಳನ್ನು ನೋಡಿ ಪಕ್ಷದಲ್ಲಿ ನನಗೆ ಸ್ಥಾನ ಕೊಟ್ಟಿದ್ದಾರೆ ಎಂದು ಬಿಎಸ್ ವೈ ಪುತ್ರ ಬಿ ವೈ ವಿಜಯೇಂದ್ರ ಹೇಳಿದ್ದಾರೆ.

  

   ಈ ಬಗ್ಗೆ ಮಾಧ್ಯಮವೊಂದರ ಸಂದರ್ಶನದಲ್ಲಿ ಮಾತನಾಡಿರುವ ಅವರು, ಬಿಜೆಪಿಗೆ ಪರಂಪರೆ, ವಂಶ ರಾಜಕಾರಣದಲ್ಲಿ ನಂಬಿಕೆಯಿಲ್ಲ, ಬದಲಾಗಿ ನನ್ನ ಮೇಲೆ ಇರುವ ನಂಬಿಕೆಯಿಂದ ಈ ಹುದ್ದೆ ನೀಡಿದ್ದಾರೆ. ಇದು ನನಗೆ ದೊರೆತಿರುವ ಒಳ್ಳೆಯ ಅವಕಾಶ ಎಂದಿದ್ದಾರೆ.

  ಇನ್ನು ಕೋವಿಡ್-19 ಬಿಕ್ಕಟ್ಟಿನ ಸಮಯದಲ್ಲಿ, ನಾನು ರಾಜ್ಯಾದ್ಯಂತ ಓಡಾಡಿ ಜನರ ಸಂಕಷ್ಟಗಳ ಬಗ್ಗೆ ಆಲಿಸಬೇಕು ಮತ್ತು ಯುವಜನಯ ಬಗ್ಗೆ ಚಿಂತಿಸಿ ಉದ್ಯೋಗ ಸೃಷ್ಟಿಯ ಬಗ್ಗೆ ಮುಂದಿನ ದಿನಗಳಲ್ಲಿ ಗಮನ ಹರಿಸುತ್ತೇನೆ ಎಂದರು.

  ನನಗೆ ರಾಜಕೀಯದಲ್ಲಿ ಆಸಕ್ತಿ ಇಲ್ಲದಿದ್ದರೂ ನಮ್ಮ ಕಾರ್ಯಕರ್ತರು ವರುಣಾ ಕ್ಷೇತ್ರದಲ್ಲಿ ನನ್ನಂತವರು ಚುನಾವಣೆಗೆ ನಿಲ್ಲಬೇಕು ಎಂದು ಒತ್ತಾಯಿಸಿದರು. ಸಿದ್ದರಾಮಯ್ಯನವರ ತವರು ಕ್ಷೇತ್ರ ವರುಣಾವಾದ್ದರಿಂದ ನಾನಿದ್ದನ್ನು ಸವಲಾಗಿ ಸ್ವೀಕರಿಸಿ ರಾಜಕೀಯದಲ್ಲಿ ಮುಂದೆ ಹೆಜ್ಜೆ ಇರಿಸಿದ್ದೇನೆ ಎಂದು ಹೇಳಿದರು.