ಪಾಕಿಸ್ತಾನ ಹಿಂದೂ ವಲಸಿಗರ ಕುಟುಂಬದ 11 ಮಂದಿ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆ

•   Sun, Aug 09 2020 04:00:24 PM



• ಜೋಧಪುರ, ಆ 09(DaijiworldNews/HR): ರಾಜಸ್ಥಾನದ ಜೋಧ್‌ಪುರ ಜಿಲ್ಲೆಯ ಜಮೀನಿನಲ್ಲಿ ಪಾಕಿಸ್ತಾನ ಹಿಂದೂ ವಲಸಿಗರ ಕುಟುಂಬದ 11 ಮಂದಿಯ ಮೃತದೇಹ ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  

  ಈ ಕುಟುಂಬವು ಡೆಚು ಪ್ರದೇಶದ ಲೊಡ್ಟಾ ಹಳ್ಳಿಯಲ್ಲಿ ವಾಸಿಸುತ್ತಿದ್ದು, ಆ ಕುಟುಂಬದ ಒಬ್ಬ ವ್ಯಕ್ತಿ ಜೀವಂತವಾಗಿದ್ದು ಗುಡಿಸಲಿನ ಹೊರಗೆ ಕಾಣಸಿಕ್ಕಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

  ಇನ್ನು ಆ ಕುಟುಂಬದ ಜೀವಂತವಾಗಿ ಉಳಿದಿರುವ ವ್ಯಕಿಯಲ್ಲಿ ವಿಚಾರಿಸಿದಾಗ ಘಟನೆಗೆ ಕಾರಣ ಏನೆಂದು ನನಗೆ ತಿಳಿದಿಲ್ಲ. ರಾತ್ರಿ ವೇಳೆ ಈ ಘಟನೆ ನಡೆದಿರಬಹುದು ಎಂದು ತಿಳಿಸಿದ್ದಾನೆ ಎಂಬುದಾಗಿ ಪೊಲೀಸ್ ಎಸ್ಪಿ ರಾಹುಲ್ ಭರತ್ ಹೇಳಿದ್ದಾರೆ.

  ಸಾವಿಗೆ ನಿಖರ ಕಾರಣ ತಿಳಿದು ಬಂದಿಲ್ಲ, ಆದರೆ ಗುಡಿಸಲಿನಲ್ಲಿ ಕೆಮಿಕಲ್ ನ ವಾಸನೆ ಬರುತ್ತಿದ್ದು, ಕುಟುಂಬದ ಸದಸ್ಯರು ರಾತ್ರಿ ವೇಳೆ ಯಾವುದೋ ರಾಸಯನಿಕ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ರಾಹುಲ್ ತಿಳಿಸಿದ್ದಾರೆ.

  ಇನ್ನು ಕುಟುಂಬದ ಎಲ್ಲಾ ಸದಸ್ಯರು ಪಾಕಿಸ್ತಾನದ ಭಿಲ್ ಸಮುದಾಯಕ್ಕೆ ಸೇರಿದವರಾಗಿದ್ದು, ಹಳ್ಳಿಯ ಜಮೀನಿನಲ್ಲಿ ವಾಸವಾಗಿದ್ದರು ಎಂದು ತಿಳಿದು ಬಂದಿದೆ.