ಬಿಜೆಪಿ ನಾಯಕನ ಗುಂಡಿಕ್ಕಿ ಹತ್ಯೆ - ಮುಂಜಾನೆ ವಾಕ್ ವೇಳೆ ಘಟನೆ

•   Tue, Aug 11 2020 10:03:31 AM



• ಲಕ್ನೋ, ಆ. 11 (DaijiworldNews/MB) : ಉತ್ತರ ಪ್ರದೇಶದ ಸ್ಥಳೀಯ ಬಿಜೆಪಿ ಮುಖಂಡ, ಬಾಘ್ ಪತ್ ನ ಮಾಜಿ ಜಿಲ್ಲಾಧ್ಯಕ್ಷ ಸಂಜಯ್ ಖೂಖರ್ ಅವರು ಮುಂಜಾನೆ ವಾಕಿಂಗ್‌ ಹೋದ ಸಂದರ್ಭದಲ್ಲಿ ಗುಂಡಿನ ದಾಳಿ ನಡೆಸಿ ಹತ್ಯೆ ಮಾಡಿರುವ ಘಟನೆ ಬಾಘ್ಪತ್ ನ ಚಪ್ರುಲಿ ಪ್ರದೇಶದಲ್ಲಿ ನಡೆದಿದೆ.

  

  ಈ ಬಗ್ಗೆ ಮಾಹಿತಿ ನೀಡಿರುವ ಪೊಲೀಸರು, ಸಂಜಯ್ ಖೂಖರ್ ಅವರು ವಾಕಿಂಗ್‌ ಹೋಗುತ್ತಿದ್ದ ಸಂದರ್ಭದಲ್ಲಿ ಗುಂಡು ಹಾರಿಸಿ ಹತ್ಯೆಗೈಯಲಾಗಿದ್ದು ಕೂಡಲೇ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆದರೆ ಅವರು ಮೃತಪಟ್ಟಿದ್ದಾರೆ ಎಂದು ತಿಳಿಸಿದ್ದಾರೆ.

  ಪೊಲೀಸರು ಆರೋಪಿಗಳ ಪತ್ತೆಗೆ ಕಾರ್ಯಾಚರಣೆ ಆರಂಭಿಸಿದ್ದು ಈ ಹತ್ಯೆಗೆ ಕಾರಣ ಏನೆಂದು ಈವರೆಗೂ ತಿಳಿದು ಬಂದಿಲ್ಲ.