'ಕಾಶಿ, ಮಥುರಾ ಮಸೀದಿ ಜಾಗದಲ್ಲಿ ದೇವಾಲಯ ನಿರ್ಮಾಣದ ಹೇಳಿಕೆಗೆ ನಾನು ಬದ್ದ' - ಈಶ್ವರಪ್ಪ

•   Wed, Aug 12 2020 11:08:51 AM



• ಶಿವಮೊಗ್ಗ, ಆ 12 (DaijiworldNews/PY): ರಾಮ ಜನ್ಮಭೂಮಿ ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣವಾದಂತೆ ಕಾಶಿ ಹಾಗೂ ಮಥುರಾ ಮಸೀದಿ ಜಾಗದಲ್ಲಿ ದೇವಾಲಯ ನಿರ್ಮಾಣದ ಹೇಳಿಕೆಗೆ ನಾನು ಬದ್ದನಾಗಿದ್ದೇನೆ ಎಂದು ಸಚಿವ ಕೆ.ಎಸ್‌‌‌.ಈಶ್ವರಪ್ಪ ಹೇಳಿದ್ದಾರೆ.

  

  ಈಶ್ವರಪ್ಪ ಅವರು ಸಂಸದ ಅಸಾದುದ್ದೀನ್‌‌‌ ಓವೈಸ್ ಅವರ ಹೇಳಿಗೆ ಪ್ರತಿಕ್ರಿಯಿಸಿದ್ದು, ಮುಸ್ಲಿಂಮರಿಗೆ ನೋವುಂಟು ಮಾಡುವುದು ನನ್ನ ಉದ್ದೇಶವಾಗಿಲ್ಲ. ಕಾಶಿ ಹಾಗೂ ಮಥುರಾದಲ್ಲಿ ಧರ್ಮ ಸಂಸತ್ತು ಮಾಡುತ್ತೇನೆ ಹಾಗೂ ಈ ವಿಚಾರವಾಗಿ ತೀರ್ಮಾನ ತೆಗೆದುಕೊಳ್ಳುತ್ತೇನೆ ಎಂದು ಓವೈಸಿ ಹೇಳಿದ್ದರು. ಈ ರೀತಿಯಾಗಿ ಹೇಳಿರುವುದು ಅವರ ಭಾವನೆ. ಮಂದಿರ ನಿರ್ಮಾಣವಾಗಬೇಕು ಎನ್ನುವುದು ನನ್ನ ಭಾವನೆ. ದೇವಾಲಯಗಳ ನಿರ್ಮಾಣವಾಗಬೇಕು ಎನ್ನುವುದು ಸ್ವಾತಂತ್ರ್ಯ ವೀರರ ಅಪೇಕ್ಷೆಯೂ ಕೂಡಾ ಆಗಿತ್ತು ಎಂದು ತಿಳಿಸಿದ್ದಾರೆ.

  ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣವಾದಂತೆ ಕಾಶಿ ಹಾಗೂ ಮಥುರಾದಲ್ಲಿ ಮಸೀದಿಗಳು ಇರುವ ಜಾಗದಲ್ಲಿ ದೇವಾಲಯಗಳ ನಿರ್ಮಾಣವಾಗಬೇಕು. ಈ ಹೇಳಿಕೆಗೆ ನಾನು ಈಗಲೂ ಬದ್ದನಾಗಿದ್ದೇನೆ. ಅಲ್ಲದೇ, ಜೈಲಿನಲ್ಲಿ ನನ್ನ ಜೀವನವನ್ನು ಕಳೆಯಲು ಸಿದ್ದನಿರುವೆ ಎಂದಿದ್ದಾರೆ.