ಮಚ್ಚಿನಲ್ಲಿ ಬೆದರಿಸಿ ಹಾಡಹಗಲೇ ಜ್ಯುವೆಲ್ಲರಿಯಿಂದ ಲಕ್ಷಾಂತರ ಮೌಲ್ಯದ ಚಿನ್ನಾಭರಣ ದರೋಡೆ

•   Wed, Aug 12 2020 05:48:12 PM



• ಚಿಕ್ಕಮಗಳೂರು, ಆ 12 (DaijiworldNews/PY): ಹಾಡುಹಗಲೇ ದರೋಡೆಕೋರನೋರ್ವ ಮಚ್ಚು ತೋರಿಸಿ ಚಿನ್ನಾಭರಣಗಳನ್ನು ಎಗರಿಸಿ ಪರಾರಿಯಾದ ಘಟನೆ ಬುಧವಾರ ಮಧ್ಯಾಹ್ನ ಶೃಂಗೇರಿಯಲ್ಲಿ ನಡೆದಿದೆ.

  
  

  ನಾಗಪ್ಪ ಶೆಟ್ಟಿ ಎನ್ನುವವರಿಗೆ ಸೇರಿದ್ದ ಚಿನ್ನದ ಅಂಗಡಿಗೆ ಬಂದ ಆರೋಪಿ ಚಿನ್ನಾಭರಣಗಳು ಇಟ್ಟಿದ್ದ ಜಾಗಕ್ಕೆ ಹಾರಿದ್ದು ಅಲ್ಲಿದ್ದ ಚಿನ್ನದ ಸರಗಳನ್ನು ಎಗರಿಸಿ ಪ್ಲಾಸ್ಟಿಕ್‌‌‌ ಕವರ್‌ಗೆ ತುಂಬಿಸಿಕೊಂಡಿದ್ದಾರೆ. ಈ ಸಂದರ್ಭ ಮಳಿಗೆಯಲ್ಲಿದ್ದ ಓರ್ವ ಮಹಿಳಾ ಸಿಬ್ಬಂದಿ ಆತನ ಕೈ ಹಿಡಿದುಕೊಂಡಿದ್ದಾರೆ. ಇನ್ನೋರ್ವ ಮಹಿಳೆ ಕುರ್ಚಿಯಿಂದ ಆತನ ಮೇಲೆ ಹೊಡೆಯಲು ಪ್ರಯತ್ನಿಸಿದ್ದಾಳೆ. ಆದರೆ, ಆತ ಮಹಿಳಾ ಸಿಬ್ಬಂದಿಯ ಕೈಯಿಂದ ಬಿಡಿಸಿಕೊಂಡು ಪರಾರಿಯಾಗಿದ್ದಾನೆ. 

  ಈ ಬಗ್ಗೆ ಶೃಂಗೇರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸಿಸಿಟಿವಿ ದೃಶ್ಯಾವಳಿಗಳ ಪರಿಶೀಲನೆ ಮಾಡಿದ ಪೊಲೀಸರು ಆರೋಪಿಯ ಪತ್ತೆಗಾಗಿ ಬಲೆ ಬೀಸಿದ್ದಾರೆ