ಕೋವಿಡ್ 19- ಸೋಂಕು ನಿರೋಧಕ ರೆಮ್‌ಡೆಸಿವಿರ್ ಔಷಧಿ ಮಾರುಕಟ್ಟೆಗೆ

•   Thu, Aug 13 2020 04:18:37 PM



• ನವದೆಹಲಿ, ಆ. 13 (DaijiworldNews/HR): ಕೋವಿಡ್ -19 ಚಿಕಿತ್ಸೆಗಾಗಿ ಔಷಧ ತಯಾರಕ ಕಂಪನಿ ಜೈಡಸ್ ಕ್ಯಾಡಿಲಾ ಸೋಂಕು ನಿರೋಧಕ ರೆಮ್‌ಡೆಸಿವಿರ್ ಔಷಧಿಯ ಜೆನರಿಕ್ ಆವೃತ್ತಿಯನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

  

  ರೆಮ್‌ಡಾಕ್ ದೇಶದಲ್ಲಿರುವ ಅತೀ ಕಡಿಮೆಯ ರೆಮ್‌ಡೆಸಿವಿರ್ ಬ್ರಾಂಡ್ ಇದಾಗಿದ್ದು, 100 ಮಿಲ್ಲಿಗ್ರಾಂ ಇಂಜೆಕ್ಷನ್ ಗೆ 2,800ರೂಪಾಯಿ ಆಗಿದೆ.
  
  ಇನ್ನು ಕೊರೊನಾ ಚಿಕಿತ್ಸೆಯಲ್ಲಿ ರೋಗಿಗಳಿಗೆ ಕೈಗೆಟುಕುವ ದರದಲ್ಲಿ ದೊರೆಯುವ ಅತ್ಯಂತ ಉತ್ತಮ ಔಷಧಿ ಇದಾಗಿದೆ ಎಂದು ಕ್ಯಾಡಿಲಾ ಹೆಲ್ತ್‌ಕೇರ್ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕ ಡಾ. ಶಾರ್ವಿಲ್ ಪಟೇಲ್ ತಿಳಿಸಿದ್ದಾರೆ.

  ಕೋವಿಡ್-19 ರೋಗಿಗಳ ಚಿಕಿತ್ಸೆಗಾಗಿ ಭಾರತದಲ್ಲಿರುವ ಎಲ್ಲ ಖಾಸಗಿ ಮತ್ತು ಸರ್ಕಾರಿ ಆಸ್ಪತ್ರೆಗಳಲ್ಲಿ ದಾಖಲಾಗಿರುವವರ ಚಿಕಿತ್ಸೆಗಾಗಿ ಈ  ಔಷಧಿ ಲಭ್ಯವಾಗುವಂತೆ ವ್ಯವಸ್ಥೆ ಮಾಡಲಾಗುವುದು ಎಂದು ಕಂಪನಿ ತಿಳಿಸಿದೆ.

  ಸೋಂಕು ಹರಡುತ್ತಿರುವ ಹೊತ್ತಲ್ಲಿ ಲಸಿಕೆಗಳನ್ನು ಅಭಿವೃದ್ಧಿಪಡಿಸುವುದು, ಉತ್ಪಾದನೆ ಹೆಚ್ಚಿಸುವುದು ಮತ್ತು ಚಿಕಿತ್ಸೆಗೆ ಬೇಕಾಗಿರುವ ಔಷಧಿಗಳ ವಿತರಣೆ, ಮತ್ತು ಆರೋಗ್ಯ ಬಿಕ್ಕಟ್ಟಿನಲ್ಲಿರುವ ಜನರನ್ನು ಬೆಂಬಲಿಸುವ ಪ್ರಯತ್ನ ಕಂಪನಿನಡೆಸುತ್ತಿದೆ ಎಂದು ಪಟೇಲ್ ಹೇಳಿದ್ದಾರೆ.