ಭಾರೀ ಮಳೆ - ದ.ಕ, ಉಡುಪಿ ಸೇರಿ ರಾಜ್ಯದ 8 ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್ ಘೋಷಣೆ

•   Sun, Aug 16 2020 08:12:35 AM



• ಬೆಂಗಳೂರು‌, ಆ 16 (DaijiworldNews/PY): ಕರಾವಳಿ ಹಾಗೂ ಮಲೆನಾಡಿನ ಜಿಲ್ಲೆಗಳಲ್ಲಿ ಆ.16ರಂದು ಭಾರಿ ಮಳೆಯಾಗುವ ಸಾಧ್ಯತೆ ಇದ್ದು, ಉಡುಪಿ. ದ.ಕ ಜಿಲ್ಲೆ ಸೇರಿದಂತೆ 8 ಎಂದು ಜಿಲ್ಲೆಗಳಲ್ಲಿ ಯೆಲ್ಲೊ ಅಲರ್ಟ್‌ ಘೋಷಿಸಲಾಗಿದೆ ಹವಾಮಾನ ಇಲಾಖೆ ಹೇಳಿದೆ.

  

  ದಕ್ಷಿಣ ಕನ್ನಡ, ಉಡುಪಿ, ವಿಜಯಪುರ, ಯಾದಗಿರಿ, ಕಲಬುರ್ಗಿ, ಬೀದರ್‌, ಬೆಳಗಾವಿ, ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್‌ ಘೋಷಿಸಲಾಗಿದೆ. ಇನ್ನು ಕರಾವಳಿ ಜಿಲ್ಲೆಗಳಲ್ಲಿ ಆ.16ರಿಂದ 20ರವರೆಗೆ ಭಾರೀ ಮಳೆಯಾಗುವ ಸಾಧ್ಯತೆ ಎನ್ನಲಾಗಿದ್ದು, ಐದು ದಿನವೂ ಯೆಲ್ಲೋ ಅಲರ್ಟ್‌‌‌‌ ಘೋಷಿಸಲಾಗಿದೆ ಎಂದು ಹವಮಾನ ಇಲಾಖೆ ಮಾಹಿತಿ ನೀಡಿದೆ.

  ಇನ್ನು ಯಾವ ಜಿಲ್ಲೆಗಳಲ್ಲಿ ಎಷ್ಟೆಷ್ಟು ಮಳೆಯಾಗಿದೆ ಎಂದು ನೋಡುವುದಾದರೆ, ಮಂಗಳೂರು ಸೇರಿದಂತೆ ಪುತ್ತೂರು, ಭಟ್ಕಳ, ಹಾಸನ, ಬೆಳಗಾವಿ ಜಿಲ್ಲೆಗಳಲ್ಲಿ ತಲಾ 1 ಸೆಂ.ಮೀ, ಭಾಗಮಂಡಲ ಹಾಗೂ ಕೊಡಗು ಜಿಲ್ಲೆಯಲ್ಲಿ 4, ಮೂಡಿಗೆರೆ 8, ಬೆಳ್ತಂಗಡಿ, ಮಡಿಕೇರಿ, ಆಗುಂಬೆಯಲ್ಲಿ 3, ಕೊಟ್ಟಿಗೆಹಾರ 7 ಸೆಂ.ಮೀ ಮಳೆಯಾಗಿದೆ.