ಕೊರೊನಾ ಪೀಡಿತ ಗಂಡನಿಗೆ ಆಸ್ಪತ್ರೆಗೆ ಮದ್ಯ ಪೂರೈಸಿ ಸಿಕ್ಕಿ ಬಿದ್ದ ಪತ್ನಿ

•   Mon, Aug 17 2020 03:57:05 PM



• ಚೆನ್ನೈ, ಆ.17 (DaijiworldNews/HR):ಕೊರೊನಾ ಸೋಂಕಿನಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಪತಿಗೆ ಕದ್ದುಮುಚ್ಚಿಯಾಗಿ ಮದ್ಯ ಪೂರೈಕೆ ಮಾಡಿ ಪತ್ನಿಯು ಸಿಕ್ಕಿಹಾಕಿಕೊಂಡಿರುವ ಘಟನೆ ತಮಿಳುನಾಡಿನ ಚೆನ್ನೈನಲ್ಲಿ ನಡೆದಿದೆ.

  

  ಚೆನೈಯ ಕಡಲೂರಿನ ರಾಜಾ ಮುತ್ತಯ್ಯ ವೈದ್ಯಕೀಯ ಕಾಲೇಜಿನಲ್ಲಿ ಈ ಘಟನೆ ನಡೆದಿದ್ದು, ಪತಿಯು ಕುಡಿದ ಮತ್ತಿನಲ್ಲಿ ಆಸ್ಪತ್ರೆಯಲ್ಲಿ ಗಲಾಟೆ ನಡೆಸಿದ್ದರಿಂದ ಮದ್ಯದ ವಿಚಾರ ಬೆಳಕಿಗೆ ಬಂದಿದೆ.

  ಒಂದು ವಾರದ ಹಿಂದೆ ಟಿ. ಮುತ್ತು ಕುಮಾರ್ (48) ಎಂಬಾತ ಕೊರೊನಾ ಚಿಕಿತ್ಸೆಗಾಗಿ ಆಸ್ಪತ್ರೆ ಸೇರಿದ್ದರು. ಆತನ ಪತ್ನಿ ಎಂ. ಕಲೈಮಂಗೈ ಊಟದ ಬ್ಯಾಗ್ ಜೊತೆಗೆ ಮದ್ಯ ತಂದು ಕೊಟ್ಟಿದ್ದಳು. ಇದರಿಂದ ಮದ್ಯದ ಅಮಲಿನಲ್ಲಿ ಆತ ಆಸ್ಪತ್ರೆಯಲ್ಲಿ ರಂಪಾಟ ನಡೆಸಿದ್ದಾನೆ.

  ಮುತ್ತುಕುಮಾರನ್ ಮತ್ತು ಪತ್ನಿ ವಿರುದ್ಧ ಚಿದಂಬರಂ ಅಣ್ಣಾಮಲೈ ನಗರದ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.