ಹಲಸಿನ ಹಣ್ಣಿಗೆ ವಿಷವಿಕ್ಕಿದ ದುರುಳರು - ಆರು ಹಸುಗಳು ಸಾವು

•   Tue, Aug 18 2020 03:26:40 PM



• ಹಾಸನ, ಆ 18 (DaijiworldNews/PY): ವಿಷ ಮಿಶ್ರಿತ ಹಲಸಿನ ಹಣ್ಣು ತಿಂದು ಆರು ಹಸುಗಳು ಸಾವನ್ನಪ್ಪಿರುವ ಘಟನೆ ಸಕಲೇಶಪುರ ತಾಲೂಕಿನ ಹೆಗ್ಗಾವೆ ಗ್ರಾಮದಲ್ಲಿ ನಡೆದಿದೆ.

  

  ಹಸುಗಳನ್ನೇ ನಂಬಿ ಜೀವನ ಸಾಗಿಸುತ್ತಿದ್ದ ಹೆಗ್ಗಾವೆ ಗ್ರಾಮದ ಮೂವರು ರೈತರ ಒಟ್ಟು ಆರು ಹಸುಗಳು ವಿಷ ಮಿಶ್ರಿತ ಹಲಸಿನ ಹಣ್ಣನ್ನು ತಿಂದ ರಕ್ತಕಾರಿ ಸಾವನ್ನಪ್ಪಿದ್ದು, ಈ ಪೈಕಿ ಉಳಿದ ಹಸುಗಳು ಕೊಟ್ಟಿಗೆಗೆ ಬಂದು ಸಾವನ್ನಪ್ಪಿವೆ. ಜೀವನಾಧಾರವಾದ ಹಸುಗಳ ಸಾವಿನಿಂದಾಗಿ ರೈತರು ಕಂಗಾಲಾಗಿದ್ದಾರೆ.

  ಈ ಬಗ್ಗೆ ಆಕ್ರೋಶಗೊಂಡಿರುವ ರೈತರು, ಹಸುಗಳ ಸಾವಿಗೆ ಕಾರಣರಾದವರಿಗೆ ದೇವರು ತಕ್ಕ ಶಿಕ್ಷೆ ನೀಡುತ್ತಾರೆ. ಮೂಕ ಪ್ರಾಣಿಗಳು ಪ್ರಾಣ ಬಿಟ್ಟಂತೆ ಅವರೂ ಕೂಡಾ ನರಳಿ ನರಳಿ ಸಾಯುತ್ತಾರೆ ಎಂದಿದ್ದಾರೆ.