'ಸಂಸದರಾಗುವುದಕ್ಕಿಂತ ಬ್ಲೂ ಫಿಲ್ಮ್ ಹಿರೋ ಆಗಬೇಕಿತ್ತು' - ಪ್ರತಾಪ್ ಸಿಂಹ ವಿರುದ್ದ ಕೈ ನಾಯಕ ಆಕ್ರೋಶ

•   Sun, Aug 30 2020 02:10:56 PM



• ಮೈಸೂರು, ಆ. 30 (DaijiworldNews/MB) : ''ಪ್ರತಾಪ್‌ ಸಿಂಹ ಸಂಸದರಾಗುವುದಕ್ಕಿಂತ ಬ್ಲೂ ಫಿಲ್ಮ್ ಹಿರೋ ಆಗಬೇಕಿತ್ತು'' ಎಂದು ಮೈಸೂರು-ಕೊಡಗು ಸಂಸದ ಪ್ರತಾಪ್‌ ಸಿಂಹ ವಿರುದ್ದ ಕಾಂಗ್ರೆಸ್ ಮುಖಂಡ ವಾಗ್ದಾಳಿ ನಡೆಸಿದ್ದಾರೆ. ಅಷ್ಟೇ ಅಲ್ಲದೇ ''ಪ್ರತಾಪ್‌ ಸಿಂಹ ಅವರು ಸಂಸದರ ನಿಧಿಯ ಶೇ. 10ರಷ್ಟನ್ನು ಲೂಟಿ ಮಾಡುತ್ತಿದ್ದಾರೆ'' ಎಂದು ಆರೋಪ ಮಾಡಿದ್ದರೆ.

  

  ''ವರ್ಗಾವಣೆ ದಂಧೆಯನ್ನು ನಡೆಸುತ್ತಿರುವ ಪ್ರತಾಪ್‌ ಸಿಂಹ ಅವರು ತಮ್ಮದೇ ರೋಲ್ ಕಾಲ್ ಗ್ಯಾಂಗ್ ಹೊಂದಿದ್ದಾರೆ. ಅವರು ಸಂಸದನಾಗುವುದಕ್ಕೆ ಅರ್ಹರಲ್ಲ, ಬ್ಲೂ ಫಿಲ್ಮ್ ಹಿರೋ ಆಗಲು ಲಾಯಕ್ಕು'' ಎಂದು ಪ್ರತಾಪ್‌ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  ''ಚುನಾವಣೆಯ ಸಂದರ್ಭದಲ್ಲಿ ಸಂಸದ ಪ್ರತಾಪ್‌ ವಿರುದ್ದ ದೂರು ನೀಡಿದ್ದ ಯುವತಿ ಎಲ್ಲಿ ಹೋಗಿದ್ದಾರೆ? ಆಕೆಯ ಹತ್ಯೆ ಮಾಡಿಸಿದ್ದೀರಾ'' ಎಂದು ಪ್ರತಾಪ್‌ ಅವರನ್ನು ಪ್ರಶ್ನಿಸಿದ ಅವರು, ''ನನ್ನ ಮೇಲಿನ ಆರೋಪವನ್ನು ಪ್ರತಾಪ್‌ ಸಿಂಹ ಅವರು ಸಾಬೀತು ಪಡಿಸಲಿ. ಸಂಸದರು ಮಾಡಿರುವ ಎಲ್ಲಾ ಹಗರಣಗಳನ್ನು ನಾನು ಬಹಿರಂಗ ಮಾಡುತ್ತೇನೆ. ಎಲ್ಲಾ ದಾಖಲೆಗಳು ನನ್ನಲ್ಲಿ ಇದೆ. ನನ್ನ ಬಳಿ ನಾಲ್ಕು ವಿಡಿಯೋಗಳು ಇದೆ. ಕೋರ್ಟ್ ಅನುಮತಿ ಪಡೆದು ಅದನ್ನು ಪ್ರೊಜೆಕ್ಟರ್‌ನಲ್ಲೇ ಬಿಡುಗಡೆ ಮಾಡುತ್ತೇನೆ'' ಎಂದು ತಿಳಿಸಿದ್ದಾರೆ.

  ಈ ಹಿಂದೆ ಸಂಸದ ಪ್ರತಾಪ್ ಸಿಂಹ ಅವರು, ''ಎಂ.ಲಕ್ಷ್ಮಣ್ ಬ್ಲಾಕ್ ಮೇಲ್ ಗಿರಾಕಿ'' ಎಂದು ಆರೋಪ ಮಾಡಿದ್ದರು.