ಛತ್ತೀಸ್‌ಗಢ: ಭೀಕರ ಬಸ್‌ ಅಪಘಾತ - 7 ಮಂದಿ ಕಾರ್ಮಿಕರ ದಾರುಣ ಸಾವು

•   Sat, Sep 05 2020 09:48:22 AM



• ರಾಯಪುರ, ಸೆ. 05 (DaijiworldNews/MB) : ಒರಿಸ್ಸಾದಿಂದ ಗುಜರಾತ್‌ಗೆ ಕಾರ್ಮಿಕರನ್ನು ಕರೆದೊಯ್ಯುತ್ತಿದ್ದ ಬಸ್ ಟ್ರಕ್‌ಗೆ ಢಿಕ್ಕಿಯಾಗಿ 7 ಮಂದಿ ಕಾರ್ಮಿಕರು ದಾರುಣವಾಗಿ ಸಾವನ್ನಪ್ಪಿದ ಘಟನೆ ರಾಯಪುರದಲ್ಲಿ ಶನಿವಾರ ಬೆಳಿಗ್ಗೆ ನಡೆದಿದೆ.

  

  ಈ ಕಾರ್ಮಿಕರು ಒರಿಸ್ಸಾದ ಗಂಜಾಮ್‌ನಿಂದ ಗುಜರಾತ್ ರಾಜ್ಯದ ಸೂರತ್‌ಗೆ ತೆರಳುತ್ತಿದ್ದರು ಎಂದು ಹೇಳಲಾಗಿದ್ದು ರಾಯಪುರದ ಚೆರಿ ಖೇಡಿ ಬಳಿ ಟ್ರಕ್‌ಗೆ ಬಸ್‌ ಢಿಕ್ಕಿ ಹೊಡೆದಿದೆ ಎನ್ನಲಾಗಿದೆ. ಈ ಭೀಕರ ಅಪಘಾತದಿಂದ ಏಳು ಮಂದಿ ಕಾರ್ಮಿಕರು ಮೃತಪಟ್ಟಿದ್ದು ಇನ್ನೂ ಹಲವರು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

  ಇನ್ನು ಈ ಬಗ್ಗೆ ಮಾಹಿತಿ ನೀಡಿರುವ ರಾಯ್‌ಪುರ್‌ ಜಿಲ್ಲಾ ಎಸ್‌ಪಿ ಅಜಯ್‌ ಯಾದವ್‌ ಅವರು, ''ಇಂದು ಮುಂಜಾನೆ ಈ ಅಪಘಾತ ನಡೆದಿದ್ದು ಈ ಬಗ್ಗೆ ಪ್ರಕರಣ ದಾಖಲಿಸಲಾಗಿದೆ'' ಎಂದು ತಿಳಿಸಿದ್ದಾರೆ.