ದೆಹಲಿಯಲ್ಲಿ ಮತ್ತೊಬ್ಬ ಡ್ರಗ್ ಪೆಡ್ಲರ್‌ ಬಂಧನ - ರಾಗಿಣಿಗೂ ನಂಟು

•   Sat, Sep 05 2020 01:22:27 PM



• ಬೆಂಗಳೂರು, ಸೆ. 05 (DaijiworldNews/MB) : ಹಲವು ದಿನಗಳಿಂದ ಸ್ಯಾಂಡಲ್‌ವುಡ್‌ನಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿರುವ ಡ್ರಗ್ಸ್‌ ದಂಧೆಗೆ ಸಂಬಂಧಿಸಿ ಈಗಾಗಲೇ ಸಿಸಿಬಿ ಪೊಲೀಸರ ವಶದಲ್ಲಿರುವ ನಟಿ ರಾಗಿಣಿ ದ್ವಿವೇದಿಗೆ ಮತ್ತೊಂದು ಶಾಕ್‌ ಎದುರಾಗಿದೆ. ಸಿಸಿಬಿ ಪೊಲೀಸರು ದೆಹಲಿಯಲ್ಲಿ ಮತ್ತೊಬ್ಬ ಡ್ರಗ್‌ ಪೆಡ್ಲರ್‌ ವೀರೇನ್ ಖನ್ನಾನನ್ನು ಬಂಧಿಸಿದ್ದು ಆತನೊಂದಿಗೂ ರಾಗಿಣಿಗೆ ನಂಟಿರುವುದು ತಿಳಿದು ಬಂದಿದೆ.

  

  ಸಿಲಿಕಾನ್ ಸಿಟಿಯಲ್ಲಿ ಡ್ರಗ್ಸ್ ಸಂಬಂಧಿತ ಪಾರ್ಟಿಗಳ ಬಗ್ಗೆ ವೀರೇನ್ ಪ್ರಾಥಮಿಕ ತನಿಖೆಯಲ್ಲಿ ಬಾಯ್ಬಿಟ್ಟಿದ್ದಾನೆ ಎನ್ನಲಾಗಿದೆ. ಬಂಧಿತ ವೀರೇನ್ ಅಂತಾರಾಷ್ಟ್ರೀಯ ಮಟ್ಟದಲ್ಲೂ ಸಂಪರ್ಕ ಹೊಂದಿದ್ದನು ಎಂದು ಕೂಡಾ ಹೇಳಲಾಗಿದೆ.

  ಡ್ರಗ್ಸ್ ಡೀಲರ್ ಅನಿಕಾ, ರವಿಶಂಕರ್, ರಾಹುಲ್ ಅವರ ವಿಚಾರಣೆ ವೇಳೆ ವೀರೇನ್ ಖನ್ನಾ ಉಲ್ಲೇಖವಾಗಿದ್ದು, ಈ ಆಧಾರದಲ್ಲಿ ಖಚಿತ ಮಾಹಿತಿ ಪಡೆದ ಸಿಸಿಬಿ ಪೊಲೀಸರು, ದೆಹಲಿಯಲ್ಲಿ ಖನ್ನಾರನ್ನು ಬಂಧಿಸಿದ್ದಾರೆ ಎನ್ನಲಾಗಿದ್ದು ದೆಹಲಿಯಿಂದ ಬೆಂಗಳೂರಿಗೆ ವೀರೇನ್ ಖನ್ನಾ ಅವರನ್ನು ಸಿಸಿಬಿ ಪೊಲೀಸರು ಕರೆತರಲಾಗುತ್ತಿದೆ.