ಬಿಎಸ್ಎಫ್ ಗುಂಡಿನ ದಾಳಿಗೆ ಇಬ್ಬರು ಮಾದಕ ದ್ರವ್ಯ ಕಳ್ಳಸಾಗಣೆದಾರರ ಸಾವು

•   Wed, Sep 09 2020 03:26:58 PM



• ಜೈಪುರ್ , ಸೆ.9(DaijiworldNews/HR): ಇಬ್ಬರು ಸ್ಮಗ್ಲರ್ಸ್ ಗಳು ಗಡಿ ಭದ್ರತಾ ಪಡೆಯ(ಬಿಎಸ್ಎಫ್) ಗುಂಡಿಗೆ ಸಾವನ್ನಪ್ಪಿರುವ ಘಟನೆ ರಾಜಸ್ಥಾನದ ಶ್ರೀಗಂಗಾನಗರ್ ಗಡಿ ಪ್ರದೇಶದಲ್ಲಿ ನಡೆದಿದೆ.

  

  ಪಾಕಿಸ್ತಾನದಿಂದ ಭಾರತದ ಕಡೆಗೆ ಮಾದಕ ದ್ರವ್ಯ ಕಳ್ಳಸಾಗಣೆ ಮಾಡುತ್ತಿದ್ದಾರೆಂಬ ಬಗ್ಗೆ ಗುಪ್ತಚರ ಇಲಾಖೆ ನೀಡಿರುವ ಖಚಿತ ಮಾಹಿತಿ ಪಡೆದು ಬಿಎಸ್ ಎಫ್ ಕಾರ್ಯಾಚರಣೆ ನಡೆಸಿರುವುದಾಗಿ ಶ್ರೀಗಂಗಾನಗರ್ ಗಡಿ ಔಟ್ ಪೋಸ್ಟ್ ನ ಖಾಯಾಲಿವಾಲಾ ತಿಳಿಸಿದ್ದಾರೆ.

  ಸ್ಮಗ್ಲರ್ಸ್ ಗಳು ಮಾದಕ ವಸ್ತು ಕಳ್ಳಸಾಗಣೆ ಮಾಡುತ್ತಿರುವುದನ್ನು ಬಿಎಸ್ ಎಫ್ ವಿಫಲಗೊಳಿಸಿದ್ದು, ಈ ಸಂದರ್ಭದಲ್ಲಿ ಕಳ್ಳಸಾಗಣಿಕೆದಾರರು ಗುಂಡಿನ ದಾಳಿ ನಡೆಸಿದ್ದು, ಇದಕ್ಕೆ ಪ್ರತಿಯಾಗಿ ನಡೆಸಿದ ದಾಳಿಗೆ ಇಬ್ಬರು ಸಾವನ್ನಪ್ಪಿರುವುದಾಗಿ ತಿಳಿದು ಬಂದಿದೆ.

  ಸ್ಲಗ್ಲರ್ಸ್ ಬಳಿ ಅಪಾರ ಪ್ರಮಾಣದ ಮಾದಕ ವಸ್ತು, ಪಿಸ್ತೂಲ್, ನೈಟ್ ವಿಶನ್ ಪತ್ತೆಯಾಗಿರುವುದಾಗಿ ವರದಿ ತಿಳಿಸಿದೆ.