ತಮಿಳಿನ ಜನಪ್ರಿಯ ಹಾಸ್ಯನಟ ವಡಿವೇಲ್ ಬಾಲಾಜಿ ನಿಧನ

•   Thu, Sep 10 2020 06:41:36 PM



• ಚೆನ್ನೈ,ಸೆ.10(DaijiworldNews/HR): ತಮಿಳಿನ ಜನಪ್ರಿಯ ಹಾಸ್ಯ ನಟ ವಡಿವೇಲ್ ಬಾಲಾಜಿ(45) ಇಂದು ಹೃದಯಘಾತದಿಂದ ನಿಧನರಾಗಿದ್ದಾರೆ.

  

  ಸಿನಿಮಾ ಸೇರಿದಂತೆ, ಕಿರುತೆರೆಯಲ್ಲೂ ಬಣ್ಣಹಚ್ಚಿ ಜನಪ್ರಿಯರಾಗಿದ್ದರು. ಹೃದಯ ಸ್ತಂಭನದಿಂದ ಬಳಲುತ್ತಿದ್ದು, ಕಳೆದ 15 ದಿನಗಳ ಹಿಂದೆ ಚೆನ್ನೈನ ಸರ್ಕಾರಿ ಹಾಸ್ಪತ್ರೆಗೆ ದಾಖಲಾಗಿದ್ದು ಇಂದು ಚಿಕಿತ್ಸೆ ಫಲಿಸದೇ ವಿಧಿವಶವಾಗಿದ್ದಾರೆಂದು ತಿಳಿದುಬಂದಿದೆ.

  ವಿಜಯ್ ಟಿವಿಯಲ್ಲಿ ಪ್ರಸಾರವಾಗುತ್ತಿದ್ದ "ಅದು ಇದು ಎದು" ಕಾರ್ಯಕ್ರಮದ ಮೂಲಕ ಹಾಸ್ಯಗಾರರಾಗಿ ಮಿಂಚು ಹರಿಸಿದ್ದರು. ಮಾತ್ರವಲ್ಲದೆ ಕೆಲವೊಂದು ಸಿನಿಮಾಗಳಲ್ಲಿ ಕೂಡ ಅಭಿನಯಿಸಿದ್ದರು.

  1975ರಲ್ಲಿ ಜನಿಸಿದ್ದ ವಡಿವೇಲ್ ಬಾಲಾಜಿ ವಿಜಯ್ ಟಿವಿ ಕಾರ್ಯಕ್ರಮದ ಮೂಲಕ ಅಪಾರ ಅಭಿಮಾನಿಗಳನ್ನು ಗಳಿಸಿಕೊಂಡಿದ್ದರು. ತಮಿಳಿನಿ ಪ್ರಸಿದ್ದ ಕಾಮಿಡಿಯನ್ ವಡಿವೇಲ್ ಮಾದರಿಯಲ್ಲಿ ಆಂಗಿಕ ಅಭಿನಯ ತೋರಿಸುತ್ತಿದ್ದರಿಂದ ಇವರನ್ನು ವಡಿವೇಲ್ ಬಾಲಾಜಿ ಎಂದೇ ಕರೆಯಲಾಗುತ್ತಿತ್ತು. ಇವರ ಅಭಿನಯವನ್ನು ಮೆಚ್ಚಿ ಸ್ವತಃ ವಡಿವೇಲ್ ಅವರೇ ಪ್ರಶಂಸೆ ವ್ಯಕ್ತಪಡಿಸಿದ್ದರು.