ಪಂಜಾಬ್ ಗಡಿಯಲ್ಲಿ ಶಸ್ತ್ರಾಸ್ತ್ರ ಕಳ್ಳಸಾಗಣೆ ಯತ್ನ ವಿಫಲಗೊಳಿಸಿದ ಬಿಎಸ್‍ಎಫ್‍

•   Sat, Sep 12 2020 04:31:47 PM



• ನವದೆಹಲಿ, ಸೆ.12(DaijiworldNews/HR):ಭಾರತ-ಪಾಕಿಸ್ತಾನ ಗಡಿಯಲ್ಲಿ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನು ಕಳ್ಳಸಾಗಣೆ ಮಾಡುತ್ತಿದ್ದ ಯತ್ನವನ್ನು ಗಡಿ ಭದ್ರತಾ ಪಡೆ (ಬಿಎಸ್‍ಎಫ್‍) ಶನಿವಾರ ವಿಫಲಗೊಳಿಸಿದ ಘಟನೆ ಪಂಜಾಬ್‌ನ ಫಿರೋಜ್‌ಪುರ ಜಿಲ್ಲೆಯ ಅಬೋಹಾರ್‌ನಲ್ಲಿ ನಡೆದಿದೆ.

  

  ಈ ಬಗ್ಗೆ ಅಧಿಕಾರಿಗಳು ನೀಡಿರುವ ಮಾಹಿತಿಯಂತೆ, ತೀವ್ರ ಎಚ್ಚರವಹಿಸಿದ್ದ ಬಿಎಸ್‍ಎಫ್‍ ಪಡೆಗಳು ಕಳ್ಳಸಾಗಾಣೆ ಯತ್ನವನ್ನು ವಿಫಲಗೊಳಿಸಿ, ಆರು ಮ್ಯಾಗಜೀನ್‍ಗಳೊಂದಿಗೆ ಮೂರು ಎಕೆ-47 ರೈಫಲ್‌ಗಳು, 91 ಜೀವಂತ ಗುಂಡುಗಳು ಒಳಗೊಂಡ ಎರಡು ಎಂ-16 ರೈಫಲ್‌ಗಳೊಂದಿಗೆ ನಾಲ್ಕು ಮ್ಯಾಗಜೀನ್‍ಗಳು, 57 ಮದ್ದುಗುಂಡುಗಳು, ನಾಲ್ಕು ಮ್ಯಾಗಜೀನ್‍ಗಳು ಮತ್ತು 20 ಜೀವಂತ ಮದ್ದುಗುಂಡುಗಳನ್ನು ಒಳಗೊಂಡ ಎರಡು ಪಿಸ್ತೂಲ್‌ಗಳನ್ನು ವಶಪಡಿಸಿಕೊಂಡಿವೆ.

  ಈ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನು ಗಡಿಯುದ್ದಕ್ಕೂ ಫಿರೋಜ್‌ಪುರದ ಅಬೋಹಾರ್ ಮೂಲಕ ಕಳುಹಿಸಲಾಗಿದೆ. ಅಬೋಹಾರ್ ಸೆಕ್ಟರ್‌ನಲ್ಲಿ ಬೀಡುಬಿಟ್ಟಿರುವ 124 ಬೆಟಾಲಿಯನ್‌ನ ಬಿಎಸ್‌ಎಫ್ ಯೋಧರು ಮತ್ತೊಮ್ಮೆ ದೇಶ ವಿರೋಧಿ ಕೃತ್ಯವನ್ನು ವಿಫಲಗೊಳಿಸಿದರು.