ಅಕ್ಕಿ ಕಾಳಿಗಿಂತ ಚಿಕ್ಕದಾದ ಪ್ರಧಾನಿ ಮೋದಿ ಅವರ ಚಿನ್ನದ ಕಲಾಕೃತಿಯನ್ನು ರಚಿಸಿದ ಅಕ್ಕಸಾಲಿಗ

•   Thu, Sep 17 2020 01:10:42 PM



• ಶಿವಮೊಗ್ಗ, ಸೆ 17 (DaijiworldNews/PY): ಅಕ್ಕಸಾಲಿಗರೋರ್ವರು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ 70ನೇ ಹುಟ್ಟುಹಬ್ಬದ ಹಿನ್ನೆಲೆ ಅಕ್ಕಿಕಾಳಿಗಿಂತ ಸಣ್ಣದಾದ ಮೋದಿ ಅವರ ಕಲಾಕೃತಿಯನ್ನು ಮಾಡಿದ್ದಾರೆ.

  

  ಶಿವಮೊಗ್ಗ ಜಿಲ್ಲೆ ಭದ್ರಾವತಿ ನಗರದಲ್ಲಿ ಅಕ್ಕಸಾಲಿಗರಾಗಿರುವ ರವಿಚಂದ್ರ ಅವರು ತಮ್ಮ ಕಲಾಕೌಶಲ್ಯದಿಂದ ವಿಭಿನ್ನವಾದ ಕಲಾಕೃತಿಯನ್ನು ರಚಿಸಿದ್ದಾರೆ.

  ಈ ಕಲಾಕೃತಿಯು 20 ಮಿ.ಗ್ರಾಂ ಬಂಗಾರದ 3.75 ಮಿ.ಮೀ. ಎತ್ತರದ ಹಾಗೂ 3 ಮಿ.ಮೀ. ಅಗಲದಲ್ಲಿದ್ದು, ಅಕ್ಕಿಕಾಳಿಗಿಂತ ಸಣ್ಣದಾದ ಪ್ರಧಾನಿ ಮೋದಿ ಅವರ ಕಲಾಕೃತಿಯನ್ನು ರಚಿಸಿ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ. ಇಂದು ಪ್ರಧಾನಿ ಮೋದಿ ಅವರ ಹುಟ್ಟುಹಬ್ಬವಿದ್ದು, ಈ ಕಲಾಕೃತಿಯನ್ನು ಅವರಿಗೆ ಸಮರ್ಪಿಸಿದ್ದಾರೆ.

  ಈ ಪುಟ್ಟದಾದ ಕಲಾಕೃತಿಯನ್ನು ರಚಿಸಲು ಸತತ ಪ್ರಯತ್ನಪಟ್ಟಿರುವ ರವಿಚಂದ್ರ ಅವರು ಕೊನೆಗೆ ಸಫಲರಾಗಿದ್ದಾರೆ. ಅಲ್ಲದೇ, ಇವರು ಈ ಕಲಾಕೃತಿಯನ್ನು ಮಾಡಲು ಎರಡು ತಿಂಗಳಿನಿಂದ ಒಂದೆರಡು ಗಂಟೆಗಳ ಕಾಲ ವ್ಯಯಿಸಿದ್ದಾರೆ. ಇನ್ನು ಪ್ರಧಾನಿ ಮೋದಿ ಅವರು ಅನುಮತಿ ನೀಡಿದ್ದರೆ ತಕ್ಷಣವೇ ದೆಹಲಿಗೆ ತೆರಳಿ ಈ ಕಲಾಕೃತಿಯನ್ನು ಅವರಿಗೆ ನೀಡುತ್ತೇನೆ ಎನ್ನುವ ಉದ್ದೇಶವಿಟ್ಟುಕೊಂಡಿದ್ದಾರೆ.