ನಟಿ ರಾಗಿಣಿಯೊಂದಿಗೆ ನಂಟಿದ್ದ ಮತ್ತೋರ್ವ ಪೆಡ್ಲರ್ ಸಿಸಿಬಿ ಬಲೆಗೆ - ಭಾರೀ ಪ್ರಮಾಣದ ಡ್ರಗ್ಸ್ ವಶಕ್ಕೆ

•   Mon, Sep 21 2020 09:40:22 AM



• ಬೆಂಗಳೂರು, ಸೆ. 21 (DaijiworldNews/MB) : ಡ್ರಗ್ಸ್‌ ಪ್ರಕರಣದಲ್ಲಿ ಬಂಧನಕ್ಕೆ ಒಳಗಾಗಿ ಸದ್ಯ ಜೈಲಿನಲ್ಲಿರುವ ನಟಿ ರಾಗಿಣಿ ದ್ವಿವೇದಿಯೊಂದಿಗೆ ನಂಟಿದ್ದ ಮತ್ತೋರ್ವ ಪೆಡ್ಲರ್‌ನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದು ಆತನಿಂದ ಭಾರೀ ಪ್ರಮಾಣದ ಮಾಸಕವಸ್ತುಗಳನ್ನು ವಶಕ್ಕೆ ಪಡೆದಿದ್ದಾರೆ.

  

  ಈ ಪ್ರಕರಣಕ್ಕೆ ಸಂಬಂಧಿಸಿ ಬಂಧಿಸಲಾಗಿರುವ ರಾಗಿಣಿ ಆಪ್ತ ರವಿಶಂಕರ್ ಹೇಳಿಕೆಯಂತೆ ಮತ್ತೋರ್ವ ಪೆಡ್ಲರ್‌, ಶ್ರೀನಿವಾಸ ಸುಬ್ರಮಣಿಯನ್ ಅಲಿಯಾಸ್ ಶ್ರೀ ಯನ್ನು ಬಂಧಿಸಲಾಗಿದೆ.

  ಡ್ರಗ್ಸ್‌ ಪ್ರಕಾರದ ವಿಚಾರಣೆಯ ಸಂದರ್ಭದಲ್ಲಿ ಶ್ರೀನಿವಾಸ ಸುಬ್ರಮಣಿಯನ್ ಅಲಿಯಾಸ್ ಶ್ರೀ ಎಂಬಾತನ ಬಗ್ಗೆ ತಿಳಿದು ಬಂದಿದ್ದು ಆತನ ಮಾಹಿತಿ ಪಡೆದು ಬಂಧಿಸಲಾಗಿದೆ. ಆತನಿಂದ 11 ಎಕ್ಸ್‌ಟಸಿ ಮಾತ್ರೆಗಳು, 100 ಗ್ರಾಂಗೂ ಅಧಿಕ ಗಾಂಜಾ, 1.1 ಗ್ರಾಂ ಎಂಡಿಎಂಎ, 0.5 ಗ್ರಾಂ ಹಷೀಶ್‌ನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  ಇನ್ನು ಈ ಬಂಧಿತ ಶ್ರೀ ಸಾದಹಳ್ಳಿ ಗೇಟ್ ಬಳಿ ರೆಸಾರ್ಟ್ ನಡೆಸುತ್ತಿದ್ದು ಬೇರೆ ರೆಸಾರ್ಟ್‌ಗಳಿಗೆ ಡ್ರಗ್ಸ್ ರವಾನೆ ಮಾಡುತ್ತಿದ್ದ. ಈತನಿಗೂ ರಾಗಿಣಿಗೂ ನಂಟಿದೆ ಎಂದು ಹೇಳಲಾಗಿದೆ.