ಮಾದಕ ವಸ್ತುಗಳನ್ನು ಸಾಗಾಟ ಮಾಡುತ್ತಿದ್ದ ಇಬ್ಬರನ್ನು ಬಂಧಿಸಿದ ಬಿಎಸ್‌ಎಫ್‌‌ ಸಿಬ್ಬಂದಿಗಳು

•   Mon, Sep 21 2020 11:09:59 AM



• ಕೋಲ್ಕತ್ತಾ, ಸೆ 21(Daijiworld News/PY): ಮಾದಕ ವಸ್ತುಗಳನ್ನು ಸಾಗಿಸುತ್ತಿದ್ದ ಇಬ್ಬರನ್ನು ಬಿಎಸ್‌‌‌‌ಎಫ್‌‌ ಸಿಬ್ಬಂದಿಗಳು ಬಂಧಿಸಿದ ಘಟನೆ ಪಶ್ಚಿಮ ಬಂಗಾಳದ ಉತ್ತರ 24 ಪರಗಣ ಜಿಲ್ಲೆಯ ಬಾಂಗ್ಲಾಗಡಿಯಲ್ಲಿ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  ಬಂಧಿತ ಆರೋಪಿಗಳನ್ನು ಸ್ವರೂಪ್​​​ನಗರ ನಿವಾಸಿಗಳಾದ ರಾಹುಲ್ ಮೊಂಡಲ್ ಹಾಗೂ ಫಾರೂಖ್ ಮೊಲ್ಲಾಹ್ ಎಂದು ಗುರುತಿಸಲಾಗಿದೆ.

  ಪಶ್ಚಿಮ ಬಂಗಾಳದ ಉತ್ತರ 24 ಪರಗಣ ಜಿಲ್ಲೆಯ ಬಾಂಗ್ಲಾಗಡಿಯಲ್ಲಿ ಬಿಎಸ್‌‌ಎಫ್‌‌‌ ಸಿಬ್ಬಂದಿಗಳು ಗಸ್ತು ತಿರುಗುತ್ತಿದ್ದರು, ಈ ವೇಳೆ ಸಿಬ್ಬಂದಿಗಳು ಇಬ್ಬರು ವ್ಯಕ್ತಿಗಳನ್ನು ಬಂಧಿಸಿದ್ದು, ವಿಚಾರಣೆಗೆ ಒಳಪಡಿಸಿದ್ದಾರೆ.

  ಆರೋಪಿಗಳಿಂದ ಮಾದಕ ಮಾತ್ರೆಗಳು ಸೇರಿದಂತೆ ಒಂದು ಬೈಕ್‌ ಅನ್ನು ಕೂಡಾ ವಶಪಡಿಸಿಕೊಳ್ಳಲಾಗಿದೆ. ಅಲ್ಲದೇ, ಈ ಬಗ್ಗೆ ರಾಷ್ಟ್ರೀಯ ತನಿಖಾದಳ ಹಾಗೂ ಮಾದಕ ವಸ್ತು ನಿಯಂತ್ರಣ ಮಂಡಳಿಗೆ ಮಾಹಿತಿ ನೀಡಲಾಗಿದೆ.