ಡ್ರಗ್ಸ್ ಪ್ರಕರಣ -ಬಂಧಿತ ಆರೋಪಿ ಶ್ರೀನಿವಾಸ್​ಗೆ ಕೊರೊನಾ ಪಾಸಿಟಿವ್

•   Thu, Sep 24 2020 10:14:59 AM



• ಬೆಂಗಳೂರು, ಸೆ. 24(DaijiworldNews/HR): ಸ್ಯಾಂಡಲ್​​ವುಡ್ ​ಡ್ರಗ್ ದಂಧೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಸಿಬಿಯಿಂದ ಬಂಧನಕ್ಕೊಳಗಾಗಿರುವ ಆರೋಪಿ ಶ್ರೀನಿವಾಸ್ ಸುಬ್ರಮಣ್ಯಂ ಅಲಿಯಾಸ್ ಶ್ರೀಗೆ ಕೊರೊನಾ ಸೋಂಕು ದೃಢಪಟ್ಟಿದೆ.

  

  ಆರೋಪಿ ಶ್ರೀನಿವಾಸ್​ ಸಿಸಿಬಿ ವಶದಲ್ಲಿದ್ದು, ಆರೋಗ್ಯ ತಪಾಸಣೆಗೆ ಒಳಪಡಿಸಲಾಗಿತ್ತು. ಈ ವೇಳೆ ಆರೋಪಿಗೆ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಬಳಿಕ ಆತನನ್ನು ಕೋರಮಂಗಲದ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ತಿಳಿದು ಬಂದಿದೆ.

  ಶ್ರೀನಿವಾಸ್​ ಕೋರಮಂಗಲದ ನೇತ್ರಾವತಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಸೋಂಕು ತಗುಲಿದ ಹಿನ್ನೆಲೆ ಆರೋಪಿಯ ವಿಚಾರಣೆಯನ್ನು ಮಂದೂಡಲಾಗಿದೆ.