ಜಮ್ಮು-ಕಾಶ್ಮೀರದಲ್ಲಿ ಟಿಆರ್‌ಎಫ್ ಉಗ್ರಗಾಮಿ ಸಂಘಟನೆಯ ಭಯೋತ್ಪಾದಕ ತಾಲಿಬ್ ಭಟ್‍ ಅರೆಸ್ಟ್

•   Sun, Sep 27 2020 12:42:56 PM



• ಶ್ರೀನಗರ, ಸೆ. 27 (DaijiworldNews/HR): ಭದ್ರತಾ ಪಡೆಗಳು ಕಾಶ್ಮೀರ ಕಣಿವೆಯಲ್ಲಿ ನಡೆಸಿದ ಕಾರ್ಯಾಚರಣೆಯೊಂದರಲ್ಲಿ ಟಿಆರ್‌ಎಫ್ ಉಗ್ರಗಾಮಿ ಸಂಘಟನೆಯ ಕುಖ್ಯಾತ ಭಯೋತ್ಪಾದಕ ತಾಲಿಬ್ ಭಟ್‍ನನ್ನು ಸೆರೆ ಹಿಡಿಯಲಾಗಿದೆ.

  

  ಅನೇಕ ಪ್ರಕರಣಗಳಲ್ಲಿ ಬೇಕಾಗಿದ್ದ ತಾಲಿಬ್‍ನನ್ನು ಬಂಧಿಸಲಾಗಿದ್ದು, ಆತನ ಬಳಿಯಿಂದ ಪಿಸ್ತೂಲ್, ಬುಲೆಟ್‍ಗಳು, ಗ್ರೆನೇಡ್‍ನನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

  ಇನ್ನು ತಾಲಿಬ್ ಟಿಆರ್‍ಎಫ್ ಕಮ್ಯಾಂಡರ್ , ಭಯೋತ್ಪಾದಕ ಅಬ್ಬಾಸ್ ಶೇಖ್‍ಗೆ ಬಲಗೈ ಬಂಟನಂತಿದ್ದು, ಹಲವು ಕೃತ್ಯಗಳನ್ನು ಶಾಮೀಲಾಗಿದ್ದ. ಈಗ ಕಪ್ರಾನ್ ಪ್ರದೇಶಗಳ್ಲಿ ಇರುವ ಖಚಿತ ಮಾಹಿತಿ ಮೇರೆಗೆ ಕ್ಷಿಪ್ರಕಾರ್ಯಾಚರಣೆ ನಡೆಸಿ ಆತನನ್ನು ಬಂಧಿಸಲಾಗಿದೆ.

  ಕಾಶ್ಮೀರ ಪ್ರಾಂತ್ಯದಲ್ಲಿ ಟಿಆರ್‍ಎಫ್ ಉಗ್ರಗಾಮಿ ಸಂಘಟನೆ ಸಕ್ರಿಯವಾಗಿದ್ದು, ಜಮ್ಮು-ಕಾಶ್ಮೀರದಲ್ಲಿ ನೀಡಲಾಗಿದ್ದಸಂವಿಧಾನ ಬದ್ಧ ವಿಶೇಷ ಸ್ಥಾನಮಾನದ ಆರ್ಟಿಕಲ್ 370 ರದ್ದತಿ ನಂತರ ಕಣಿವೆ ಪ್ರದೇಶದಲ್ಲಿ ತನ್ನ ಚಟುವಟಿಕೆಗಳನ್ನು ತೀವ್ರಗೊಳಿಸಿದೆ ಎಂದು ತಿಳಿದು ಬಂದಿದೆ.