'ಚುನಾವಣೆಯಲ್ಲಿ ಗೆಲುವು ಎಂದರೆ ಬಿಜೆಪಿಯದ್ದೆ' - ಸಚಿವ ಕೆ.ಎಸ್‌‌.ಈಶ್ವರಪ್ಪ

•   Wed, Sep 30 2020 01:17:43 PM



• ಶಿವಮೊಗ್ಗ, ಸೆ 30(DaijiworldNews/PY): ಶಿರಾ ಹಾಗೂ ಆರ್‌‌.ಆರ್‌‌ ನಗರ ಕ್ಷೇತ್ರದಲ್ಲಿ ಬಿಜೆಪಿಯ ಗೆಲುವು ಖಂಡಿತ ಎಂದು ಗ್ರಾಮೀಣಾಭಿವೃದ್ದಿ ಸಚಿವ ಕೆ.ಎಸ್‌‌.ಈಶ್ವರಪ್ಪ ಹೇಳಿದರು.

  

  ಶಿವಮೊಗ್ಗದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಶಿರಾ ಹಾಗೂ ಆರ್‌‌.ಆರ್‌‌ ನಗರ ಕ್ಷೇತ್ರದಲ್ಲಿ ನಾವೇ ಗೆಲುವು ಸಾಧಿಸುತ್ತೇವೆ. ಒಂದೆಡೆ ಸಿದ್ದರಾಮಯ್ಯ ಹಾಗೂ ಡಿಕೆಶಿ ಅವರಿದ್ದಾರೆ. ಇನ್ನೊಂದೆಡೆ ಕುಮಾರಸ್ವಾಮಿ ಅವರು ನಮ್ಮದು ಕೂಡಾ ಒಂದು ಪಕ್ಷ ಇದೆ ಎನ್ನುತ್ತಿದ್ದಾರೆ ಎಂದರು.

  ಈ ಹಿಂದೆಯೂ ಬಿಜೆಪಿ ವಿಧಾನಸಭೆ ಹಾಗೂ ಲೋಕಸಭೆಯ ಚುನಾವಣೆಯಲ್ಲಿ ಹೆಚ್ಚು ಸ್ಥಾನ ಪಡೆದಿದೆ. ಅಲ್ಲದೇ, ಉಪಚುನಾವಣೆಯ ಸಂದರ್ಭವೂ ಬಿಜೆಪಿ 12 ಸ್ಥಾನ ಗಳಿಸಿದೆ. ಹಾಗಾಗಿ ಚುನಾವಣೆಯಲ್ಲಿ ಗೆಲುವು ಎಂದರೆ ಬಿಜೆಪಿಯದ್ದು ಎಂದಾಗಿದೆ. ರಾಜ್ಯ ಹಾಗೂ ದೇಶದ ಜನಕ್ಕೆ ಬಿಜೆಪಿಯ ಅಭಿವೃದ್ದಿ ಕಾರ್ಯಗಳ ಬಗ್ಗೆ ತಿಳಿದಿದೆ ಎಂದು ಹೇಳಿದರು.

  ಸಿಎಂ ಬದಲಾವಣೆ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅವರು, ಸಿಎಂ ಬದಲಾವಣೆ ಇಲ್ಲ ಎಂದು ತಿಳಿಸಿದರು.