'ಆತ್ಮೀಯ ಸ್ನೇಹಿತನನ್ನು ಗೌರವಿಸಲು ಪ್ರಧಾನಿ ಮೋದಿ ಪುನಃ ನಮಸ್ತೆ ಟ್ರಂಪ್‌ ರ್‍ಯಾಲಿ ನಡೆಸುತ್ತಾರಾ?' - ಚಿದಂಬರಂ

•   Thu, Oct 01 2020 02:52:31 PM



• ನವದೆಹಲಿ, ಅ 01(DaijiworldNews/PY): ತಮ್ಮ ಆತ್ಮೀಯ ಸ್ನೇಹಿತನನ್ನು ಗೌರವಿಸಲು ಪ್ರಧಾನ ನರೇಂದ್ರ ಮೋದಿ ಅವರು ಮತ್ತೊಂದು ನಮಸ್ತೆ ಟ್ರಂಪ್‌‌ ರ್‍ಯಾಲಿ ನಡೆಸುತ್ತಾರೆಯೇ ಎಂದು ಕಾಂಗ್ರೆಸ್‌ ನಾಯಕ ಪಿ.ಚಿದಂಬರಂ ಅವರು ಪ್ರಧಾನಿ ಮೋದಿ ಅವರನ್ನು ಪ್ರಶ್ನಿಸಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಭಾರತವನ್ನು ಚೀನಾ ಹಾಗೂ ರಷ್ಯಾದೊಂದಿಗೆ ಸೇರಿಸಿ ಮೂರು ದೇಶಗಳು ಕೂಡಾ ಕೊರೊನಾ ಸಾವಿನ ಸಂಖ್ಯೆಯನ್ನು ಮರೆ ಮಾಚಿವೆ. ಭಾರತ, ಚೀನಾ ಹಾಗೂ ರಷ್ಯಾ ದೇಶಗಳು ಹೆಚ್ಚು ವಾಯುಮಾಲಿನ್ಯಕ್ಕೆ ಕಾರಣವಾಗಿವೆ ಎಂದು ಟ್ರಂಪ್‌‌ ಆರೋಪಿಸಿದ್ದರು ಎಂದು ಚಿದಂಬರಂ ಅವರು ತಿಳಿಸಿದ್ದಾರೆ.

  ತಮ್ಮ ಆತ್ಮೀಯ ಸ್ನೇಹಿತನನ್ನು ಗೌರವಿಸಲು ಪ್ರಧಾನ ನರೇಂದ್ರ ಮೋದಿ ಅವರು ಮತ್ತೊಂದು ನಮಸ್ತೆ ಟ್ರಂಪ್‌‌ ರ್‍ಯಾಲಿ ನಡೆಸುತ್ತಾರೆಯೇ ಎಂದು ಪ್ರಶ್ನಿಸಿದ್ದಾರೆ.

  ಅಮೇರಿಕಾ ಅಧ್ಯಕ್ಷೀಯ ಚುನಾವಣೆ ಹಿನ್ನೆಲೆ ಡೊನಾಲ್ಡ್‌ ಟ್ರಂಪ್‌ ಹಾಗೂ ಬಿಡೆನ್‌ ಅವರ ನಡುವೆ ಬುಧವಾರ ಬಹಿರಂಗ ಚರ್ಚೆಯಾಗಿದ್ದು, ಈ ಸಂದರ್ಭ ಟ್ರಂಪ್‌ ಅವರು ಭಾರತದ ವಿಚಾರವನ್ನು ಪ್ರಸ್ತಾಪಿಸಿದ್ದಾರೆ.

  Mr Donald Trump clubs India with China and Russia and accused the three countries of hiding the number of COVID deaths
  
  He also accused the three countries for causing the most air pollution.
  
  Will Mr Modi hold another ‘Namaste Trump!’ rally to honour his dear friend?

  — P. Chidambaram (@PChidambaram_IN) October 1, 2020