ಡ್ರಗ್ಸ್‌ ಮಾಫಿಯಾ - ಐದು ಪಬ್‌‌ಗಳ ಮೇಲೆ ಸಿಸಿಬಿ ದಾಳಿ

•   Sun, Oct 04 2020 12:24:07 PM



• ಬೆಂಗಳೂರು, ಅ. 04(DaijiworldNews/PY): ಡ್ರಗ್ಸ್‌ ಮಾಫಿಯಾ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆಯಲ್ಲಿ ದೊರೆತ ಮಾಹಿತಿಯ ಮೇರೆಗೆ ನಿನ್ನೆ ತಡರಾತ್ರಿ ಸಿಸಿಬಿ ಪೊಲೀಸರು 5 ಪ್ರತಿಷ್ಠಿತ ಪಬ್‌‌ಗಳ ಮೇಲೆ ದಾಳಿ ನಡೆಸಿದ್ದಾರೆ.

  

  ನಿನ್ನೆ ತಡರಾತ್ರಿ ಸಿಸಿಬಿ ಡಿಸಿಪಿ ರವಿಕುಮಾರ್‌ ಅವರ ನೇತೃತ್ವದಲ್ಲಿ ಕ್ಲೌಡ್‌‌ ನೈನ್‌‌, ಸ್ಕೈ ಬಾರ್‌‌, ಸ್ಟರ್ಲಿಂಗ್‌‌‌ ಮ್ಯಾಕ್‌ ಹೋಟೆಲ್‌‌‌‌‌‌, ಯುಬಿ ಸಿಟಿ ಸೇರಿದಂತೆ ಐದು ಕಡೆ ದಾಳಿ ನಡೆಸಿದ್ದಾರೆ.

  ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಸಿಸಿಬಿಯ ಜಂಟಿ ಕಮಿಷನರ್ ಸಂದೀಪ್ ಪಾಟೀಲ ಅವರು, ನ್ಯಾಯಾಲಯದಿಂದ ಶೋಧನಾ ವಾರೆಂಟ್‌ ಪಡೆದುಕೊಂಡು ಐದು ಪಬ್‌‌ಗಳ ಮೇಲೆ ದಾಳಿ ನಡೆಸಲಾಗಿದೆ ಎಂದು ತಿಳಿಸಿದ್ದಾರೆ.