'ಕೊರೊನಾದ ರೀತಿ ಕಾಂಗ್ರೆಸ್ಸಿಗರ ಚಾಳಿ ರೈತರಿಗೆ ವ್ಯಾಪಿಸುವುದು ಬೇಡ' - ಡಿ. ವಿ‌. ಸದಾನಂದಗೌಡ

•   Thu, Oct 08 2020 04:49:46 PM



• ಮೈಸೂರು, ಅ.08 (DaijiworldNews/PY): ಕಾಂಗ್ರೆಸ್ಸಿಗರೇ ನಿಮಗೆ ಏನೂ ಕೆಲಸ ಇಲ್ಲದಿದ್ದರೆ. ಸುಮ್ಮನೆ ಮನೆಯಲ್ಲಿ ಕುಳಿತಿರಿ. ಮಾಸ್ಕ್ ಹಾಕಿ ಸ್ಯಾನಿಟೈಸ್ ಮಾಡಿಕೊಳ್ಳಿ. ರೈತರಿಂದ ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ. ಕೊರೊನಾದ ರೀತಿ ನಿಮ್ಮ ಚಾಳಿ ರೈತರಿಗೆ ವ್ಯಾಪಿಸುವುದು ಬೇಡ ಎಂದು ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವ ಡಿ. ವಿ‌. ಸದಾನಂದಗೌಡ ಹೇಳಿದರು.

  

  ಮೈಸೂರಿನ ಖಾಸಗಿ ಹೊಟೇಲ್ ನಲ್ಲಿ ನಡೆಸಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು,ಇತ್ತೀಚೆಗೆ ಕೇಂದ್ರ ಸರ್ಕಾರ ಮಂಡಿಸಿದ ನೂತನ ಕೃಷಿ ಮಸೂದೆಗಳಿಂದ ರೈತರಿಗೆ ಸಹಾಯವಾಗಲಿದೆ. ಈ ಮಸೂದೆಗಳಿಂದ ರೈತರ ಆದಾಯ ಹೆಚ್ಚಾಗಲಿದೆ. ನನ್ನ ಬೆಳೆ ನನ್ನ ಹಕ್ಕು ಎನ್ನುವ ರೀತಿಯಲ್ಲಿ ರೈತರು ತಮ್ಮ ಉತ್ಪನ್ನವನ್ನು ದೇಶದ ಯಾವುದೇ ಮೂಲೆಯಲ್ಲಿ ಮಾರಾಟ ಮಾಡಬಹುದಾಗಿದೆ. ಅಲ್ಲದೇ, ತಮ್ಮ ಇಚ್ಛೆಯ ಅನುಸಾರ ಯಾವುದೇ ದರಕ್ಕೆ ಮಾರಾಟ ಮಾಡಬಹುದು ಎಂದು ತಿಳಿಸಿದರು.

  ಆದರೆ, ಈ ವಿಚಾರವಾಗಿ ವಿರೋಧ ಪಕ್ಷ ಮೊಸರಿನಲ್ಲಿ ಕಲ್ಲು ಹುಡುಕುವ ಕಾರ್ಯ ಮಾಡುತ್ತಿದೆ. ಕಾಂಗ್ರೆಸ್ಸಿಗರು ಬಾಯಿ ಮುಚ್ಚಿ ಮಾಸ್ಕ್ ಹಾಕಿಕೊಳ್ಳಲಿ ಎಂದು ಹೇಳಿದರು.