ನಿರ್ದೇಶಕ ರಾಕೇಶ್ ಮೇಲೆ ಶೂಟೌಟ್ ಪ್ರಕರಣ - ಪರಾರಿಯಾಗಿದ್ದ ಆರೋಪಿ ಬಂಧನ

•   Sat, Oct 10 2020 04:58:50 PM



• ಮಹಾರಾಷ್ಟ್ರ,ಅ. 10 (DaijiworldNews/HR) : 2000ನೇ ಇಸವಿಯಲ್ಲಿ ಬಾಲಿವುಡ್ ನಿರ್ದೇಶಕ ರಾಕೇಶ್ ರೋಷನ್ ಅವರ ಮೇಲೆ ದಾಳಿ ನಡೆಸಿದ್ದ ಪ್ರಕರಣದಲ್ಲಿ ಭಾಗಿಯಾಗಿದ್ದ ನಟೋರಿಯಸ್ ಕ್ರಿಮಿನಲ್, ಶಾರ್ಪ್ ಶೂಟರ್ ನನ್ನು ಬಂಧಿಸಿರುವುದಾಗಿ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

  

  ನಟೋರಿಯಸ್ ಕ್ರಿಮಿನಲ್ ಸುನೀಲ್ ವಿ ಗಾಯಕ್ವಾಡ್ ನನ್ನು ಕಲ್ವಾದ ಪಾರ್ಸಿಕ್ ಸರ್ಕಲ್ ಪ್ರದೇಶದಲ್ಲಿ ಬಂಧಿಸಲಾಗಿದೆ.

  ಗಾಯಕ್ವಾಡ್ ಪಾರ್ಸಿಕ್ ಸರ್ಕಲ್ ಪ್ರದೇಶಕ್ಕೆ ಬರುತ್ತಾನೆ ಎಂಬ ಖಚಿತ ಮಾಹಿತಿ ಪಡೆದ ಬಳಿಕ ಆತನನ್ನು ಬಂಧಿಸಲಾಗಿತ್ತು ಎಂದು ಹಿರಿಯ ಪೊಲೀಸ್ ಅಧಿಕಾರಿ ಅನಿಲ್ ಹೊನ್ರಾವ್ ತಿಳಿಸಿದ್ದಾರೆ.

  ಇನ್ನು 2000ನೇ ಇಸವಿ ಜನವರಿಯಲ್ಲಿ ಮುಂಬೈನ ಪಶ್ಚಿಮ ವಲಯದಲ್ಲಿನ ಸಾಂತಾ ಕ್ರೂಝ್ ಕಚೇರಿಯ ಹೊರಭಾಗದಲ್ಲಿ ರಾಕೇಶ್ ರೋಷನ್ ಮೇಲೆ ಗುಂಡಿನ ದಾಳಿ ನಡೆಸಲಾಗಿತ್ತು.

  ಸುನೀಲ್ ಗಾಯಕ್ವಾಡ್ ಗೆ ಕೊಲೆ ಪ್ರಕರಣದ ಆರೋಪದಲ್ಲಿ ಕೋರ್ಟ್ ಜೀವಾವಧಿ ಶಿಕ್ಷೆ ವಿಧಿಸಿತ್ತು. ನಾಸಿಕ್ ಸೆಂಟ್ರಲ್ ಜೈಲಿನಲ್ಲಿದ್ದ ಈತ ಜೂನ್ 26ರಂದು 28 ದಿನಗಳ ಕಾಲದ ಪೆರೋಲ್ ಮೇಲೆ ಹೊರಬಂದಿದ್ದ. ನಂತರ ಗಾಯಕ್ವಾಡ್ ಜೈಲಿಗೆ ವಾಪಸ್ ಆಗಲಿದ್ದಾನೆ ಎಂದು ಅಧಿಕಾರಿಗಳು ನಿರೀಕ್ಷಿಸಿದ್ದರು. ಆದರೆ ಆತ ಅಡಗಿಕೊಂಡಿದ್ದ. ಕೊನೆಗೂ ಕಳೆದ ರಾತ್ರಿ ಮತ್ತೆ ಬಂಧಿಸಿರುವುದಾಗಿ ಅಧಿಕಾರಿಗಳು ವಿವರಿಸಿದ್ದಾರೆ.