ಬಿಹಾರ ವಿಧಾನಸಭಾ ಚುನಾವಣೆ - 50 ಸ್ಥಾನಗಳಲ್ಲಿ ಸ್ಪರ್ಧಿಸಲಿದೆ ಶಿವಸೇನಾ

•   Sun, Oct 11 2020 01:59:12 PM



• ಪಾಟ್ನಾ, ಅ. 11 (DaijiworldNews/MB) : ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ಸುಮಾರು 50 ಸ್ಥಾನಗಳಲ್ಲಿ ಶಿವಸೇನಾ ಸ್ಪರ್ಧಿಸಲಿದೆ ಎಂದು ಪಕ್ಷದ ಸಂಸದ ಅನಿಲ್ ದೇಸಾಯಿ ಭಾನುವಾರ ತಿಳಿಸಿದ್ದಾರೆ.

  
  ಉದ್ಧವ್ ಠಾಕ್ರೆ

  ಈ ಬಗ್ಗೆ ಮಾತನಾಡಿರುವ ಅನಿಲ್ ದೇಸಾಯಿ ಅವರು, ಬಿಹಾರದಲ್ಲಿ ನಮ್ಮ ಕಾರ್ಯಕರ್ತರು ಸಾರ್ವಜನಿಕ ಕೆಲಸಗಳಲ್ಲಿ ಭಾಗಿಯಾಗಿದ್ದು ಈ ಹಿನ್ನೆಲೆ ನಾವು ಯಾವುದೇ ಪಕ್ಷದೊಂದಿಗೆ ಮೈತ್ರಿ ಮಾಡಿಕೊಳ್ಳುವುದಿಲ್ಲ. ನಾವು ಸ್ವತಂತ್ರವಾಗಿ ಸ್ಪರ್ಧಿಸುತ್ತೇವೆ ಎಂದು ತಿಳಿಸಿದ್ದಾರೆ.

  ನಾವು ಸ್ವತಂತ್ರವಾಗಿ ಪಕ್ಷದ ಅಭ್ಯರ್ಥಿಗಳನ್ನು ಕಣಕ್ಕೆ ಇಳಿಸುವುದರಿಂದ ನಮ್ಮ ಪಕ್ಷದ ಸಂಕೇತ ಕಹಳೆಯಾಗಿರುತ್ತದೆ. ಬಿಹಾರದಲ್ಲಿ ಚುನಾವಣಾ ಪ್ರಚಾರದ ಬಗ್ಗೆ ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಮಾಹಿತಿ ನೀಡಲಿದ್ದಾರೆ ಎಂದು ಹೇಳಿದ್ದಾರೆ.

  ಉದ್ಧವ್ ಠಾಕ್ರೆ , ಅವರ ಮಗ ಆದಿತ್ಯ ಠಾಕ್ರೆ ಸೇರಿದಂತೆ ಬಿಹಾರದಲ್ಲಿ ಪ್ರಚಾರ ನಡೆಸಲಿರುವ 22 ನಾಯಕರ ಪಟ್ಟಿಯನ್ನು ಶಿವಸೇನಾ ಬಿಡುಗಡೆ ಮಾಡಿತ್ತು.