'ಎದುರಾಳಿ ಸರಿಸಮನಾಗಿದ್ದರೆ ಮಾತ್ರ ಯುದ್ಧ ಮಾಡಬಹುದು' - ಡಿ.ಕೆ.ಶಿವಕುಮಾರ್

•   Fri, Oct 23 2020 08:17:19 AM



• ಬೆಂಗಳೂರು, ಅ. 23 (DaijiworldNews/MB) : ''ಎದುರಾಳಿ ಸರಿಸಮನಾಗಿದ್ದರೆ ಮಾತ್ರ ಯುದ್ಧ ಮಾಡಬಹುದು. ಇಲ್ಲದಿದ್ದರೆ ಯುದ್ಧ ಮಾಡಲು ಆಗಲ್ಲ ಎಂದು ಹೇಳುವ ಮೂಲಕ ಆರ್‌.ಆರ್‌. ನಗರ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಮುನಿರತ್ನ ಸವಾಲೇ ಅಲ್ಲ'' ಎಂದು ಪರೋಕ್ಷವಾಗಿ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್‌ ಅವರು ಹೇಳಿದರು.

  

  ಕುಂದಗೋಳದ ಮಾಜಿ ಶಾಸಕ ಜೆಡಿಎಸ್‌ನ ಮಲ್ಲಿಕಾರ್ಜುನ ಎಸ್. ಅಕ್ಕಿ ಮತ್ತು ಅವರ ಬೆಂಬಲಿಗರನ್ನು ಕಾಂಗ್ರೆಸ್‌ಗೆ ಸೇರ್ಪಡೆ ಮಾಡಿಕೊಂಡ ಬಳಿಕ ಮಾತನಾಡಿದ ಅವರು, ''ನಮ್ಮದು ಮಾರಾಮಾರಿ ಮಾಡುವ ಸಂಸ್ಕೃತಿ ಅಲ್ಲ. ಆರ್.ಆರ್. ನಗರದಲ್ಲಿ ಮಾರಾಮಾರಿ ರಾಜಕಾರಣ ನಡೆಯುತ್ತಿದೆ. ಹೆಣಗಳು ಬೀಳುತ್ತವೆ. ಹೀಗಾಗಿ, ಪ್ಯಾರಾ ಮಿಲಿಟರಿ ರಕ್ಷಣೆ ನೀಡಬೇಕು ಎಂದು ಪತ್ರ ಬರೆಯುವುದಾಗಿ ಮಾಜಿ ಶಾಸಕರು ಹೇಳಿಕೆ ನೀಡಿದ್ದಾರೆ. ಅವರು ಈ ಹಿಂದೆಯೇ ಪತ್ರ ಬರಯಬೇಕಿತ್ತು'' ಎಂದು ಹೇಳಿದ್ದಾರೆ.

  ''ನಾವು ಮಾರಾಮಾರಿ ರಾಜಕಾರಣ ಮಾಡುವಂಥ ಸಂಸ್ಕೃತಿ ಇರುವವರನ್ನು ನಾವು ಬೆಳೆಸಿದೆವಲ್ಲ ಏನು ಮಾಡುವುದು? ಈಗ ಪಶ್ಚಾತ್ತಾಪ ಪಡಬೇಕಾಗಿದೆ'' ಎಂದು ಕೂಡಾ ಹೇಳಿದರು.