ಛತ್ತೀಸಗಢದಲ್ಲಿ ಡಿಆರ್‌ಜಿ ಪಡೆ ಹಾಗೂ ನಕ್ಸಲರ ನಡುವೆ ಗುಂಡಿನ ಚಕಮಕಿ - ಯೋಧ ಹುತಾತ್ಮ

•   Sat, Oct 24 2020 04:50:43 PM



• ನಾರಾಯಣಪುರ, ಅ.24 (DaijiworldNews/PY): ಜಿಲ್ಲಾ ಮೀಸಲು ಪಡೆ ಹಾಗೂ ನಕ್ಸಲರ ನಡುವೆ ಛತ್ತೀಸಗಡದ ನಾರಾಯಣಪುರದಲ್ಲಿ ಶನಿವಾರ ನಡೆದ ಗುಂಡಿನ ಚಕಮಕಿಯ ವೇಳೆ ಓರ್ವ ಯೋಧ ಹುತಾತ್ಮರಾಗಿದ್ದು, ಮತ್ತೋರ್ವ ಯೋಧ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಹುತಾತ್ಮರಾದ ಯೋಧರನ್ನು ಸಂತು ವಡ್ಡೆ ಹಾಗೂ ಗಾಯಗೊಂಡವರನ್ನು ಕಾನ್‌ಸ್ಟೆಬಲ್‌ ಬಜ್ಜು ರಾಮ್‌ ಕಚ್ಲಾಮ್‌ ಎನ್ನಲಾಗಿದೆ.

  ಜಿಲ್ಲಾ ಮೀಸಲು ಪಡೆಯು ನಕ್ಸಲರ ವಿರುದ್ದ ಓರ್ಛಾ ಪೊಲೀಸ್‌ ಠಾಣೆ ವ್ಯಾಪ್ತಿಯ ತಾಡೂರ್‌ ಗ್ರಾಮದಲ್ಲಿ ಕಾರ್ಯಚರಣೆ ಕೈಗೊಂಡಿತ್ತು. ಕಾರ್ಯಾಚರಣೆ ಮುಗಿಸಿ ವಾಪಾಸ್ಸಾಗುತ್ತಿದ್ದ ಸಂದರ್ಭ ಈ ಘಟನೆ ನಡೆದಿದೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ಮೋಹಿತ್‌ ಗರ್ಗ್‌ ಹೇಳಿದ್ದಾರೆ.