ಫಾರೂಕ್‌ ಅಬ್ದುಲ್ಲಾ ಗುಪ್ಕಾರ್‌ ಮೈತ್ರಿಕೂಟದ ಅಧ್ಯಕ್ಷರಾಗಿ ಆಯ್ಕೆ

•   Sat, Oct 24 2020 08:07:51 PM



• ಶ್ರೀನಗರ, ಅ.24 (DaijiworldNews/PY): ನ್ಯಾಷನಲ್‌‌ ಕಾನ್ಫರೆನ್ಸ್‌ ಅಧ್ಯಕ್ಷ ಫಾರೂಕ್‌ ಅಬ್ದುಲ್ಲಾ ಅವರನ್ನು ಪೀಪಲ್ಸ್ ಅಲಯೆನ್ಸ್ ಫಾರ್ ಗುಪ್ಕಾರ್‌ ಮೈತ್ರಿಕೂಟದ ಅಧ್ಯಕ್ಷರನ್ನಾಗಿ ಸರ್ವಾನುಮತದಿಂದ ಅವಿರೋಧವಾಗಿ ಆಯ್ಕೆ ಮಾಡಲಾಗಿದೆ.

  

  ಉಪಾಧ್ಯಕ್ಷೆಯಾಗಿ ಪಿಡಿಪಿ ಮುಖ್ಯಸ್ಥೆ ಮೆಹಬೂಬಾ ಮುಫ್ತಿ, ಸಂಚಾಲಕರನ್ನಾಗಿ ಸಿಪಿಎಂ ನಾಯಕ ಮೊಹಮ್ಮದ್ ಯೂಸುಫ್ ತರಿಗಾಮಿ ಹಾಗೂ ವಕ್ತಾರರನ್ನಾಗಿ ಪೀಪಲ್ಸ್ ಕಾನ್ಫರೆನ್ಸ್‌ನ ಸೈಜಾದ್ ಲೋನ್ ಅವರನ್ನು ನೇಮಕ ಮಾಡಲಾಗಿದೆ.

  ಮೆಹಬೂಬಾ ಮುಫ್ತಿ ಅವರ ಮನೆಯಲ್ಲಿ ನಾಯಕರು ಸೇರಿದ್ದು, ಜಮ್ಮು-ಕಾಶ್ಮೀರದ ಧ್ವಜವನ್ನು ಸಾಂಕೇತಿಕವಾಗಿ ಸ್ವೀಕಾರ ಮಾಡಿದರು.

  ಈ ಸಂಧರ್ಭ ನ. 17ರಂದು ಜಮ್ಮುವಿನಲ್ಲಿ ಮುಂದಿನ ಸಭೆ ನಡೆಸುವ ಬಗ್ಗೆ ನಿರ್ಧಾರ ಕೈಗೊಂಡರು.