ಕಂಗಾನ ಪ್ರತಿಕ್ರಿಯೆಗಾಗಿ ವಿಮಾನದೊಳಕ್ಕೆ ಪ್ರವೇಶಿಸಿದ 9 ಪತ್ರಕರ್ತರಿಗೆ ಪ್ರಯಾಣ ನಿಷೇಧ ಹೇರಿದ ಇಂಡಿಗೊ

•   Sun, Oct 25 2020 04:40:18 PM



• ನವದೆಹಲಿ, ಅ.25 (DaijiworldNews/PY): ವಿಮಾನದಲ್ಲಿ ಬಾಲಿವುಡ್‌‌ ನಟಿ ಕಂಗಾನ ರಣಾವತ್‌ ಅವರ ಪ್ರತಿಕ್ರಿಯೆಗಾಗಿ ವಿಮಾನದೊಳಕ್ಕೆ ಪ್ರವೇಶ ಮಾಡಿದ 9 ಮಂದಿ ಮಾಧ್ಯಮ ಪ್ರತಿನಿಧಿಗಳಿಗೆ ಇಂಡಿಗೋ ವಿಮಾನಯಾನ ಸಂಸ್ಥೆ ಎರಡು ವಾರ ನಿಷೇಧ ಹೇರಿದೆ.

  

  ಸೆ.9ರಂದು ಚಂಡೀಗಢದಿಂದ ಮುಂಬೈಗೆ ಇಂಡಿಗೊ ವಿಮಾನದಲ್ಲಿ ನಟಿ ಕಂಗಾನ ಪ್ರಯಾಣಿಸುತ್ತಿದ್ದರು. ಈ ಸಂದರ್ಭ ಅವರ ಪ್ರತಿಕ್ರಿಯೆಗಾಗಿ ಕ್ಯಾಮೆರಾ ಸಹಿತ ಕಾನೂನು ಬಾಹಿರವಾಗಿ ವಿಮಾನದೊಳಕ್ಕೆ ಪ್ರವೇಶ ಮಾಡಿದ್ದರು. ಟಿ.ವಿ ಮಾಧ್ಯಮಗಳಲ್ಲಿ ಈ ಘಟನೆ ಪ್ರಸಾರವಾಗಿತ್ತು. ಈ ಹಿನ್ನೆಲೆ ಇಂಡಿಗೊ ವಿಮಾನಯಾನ ಸಂಸ್ಥೆಗೆ ಡಿಸಿಐಜಿ ನೋಟಿಸ್‌ ನೀಡಿತ್ತು.

  ವಿಮಾನದ ಒಳಗೆ ಚಿತ್ರ ಹಾಗೂ ವಿಡಿಯೋ ಮಾಡುವುದು ಕಾನೂನು ಬಾಹಿರ. ಅಲ್ಲದೇ, ಅನುಮತಿ ಇಲ್ಲದೇ ವಿಮಾನದೊಳಕ್ಕೆ ಪ್ರವೇಶಿಸಿದ ಪತ್ರಕರ್ತರ ವಿರುದ್ದ ಕ್ರಮ ತೆಗೆದುಕೊಳ್ಳಬೇಕು ಎಂದು ಡಿಜಿಸಿಎ ಇಂಡಿಗೊ ವಿಮಾನಯಾನ ಸಂಸ್ಥೆಗೆ ತಿಳಿಸಿತ್ತು.

  ಇಂಡಿಗೊ ವಿಮಾನಯಾನ ಸಂಸ್ಥೆಯು ಡಿಜಿಸಿಎ ನಿರ್ದೇಶನದ ಅನ್ವಯ ಒಂಭತ್ತು ಮಂದಿ ಪತ್ರಕರ್ತರಿಗೆ ಎರಡು ವಾರ ನಿಷೇಧ ಹೇರಿದೆ.