ಕಾಲೇಜು ಆವರಣದಲ್ಲಿ ಗುಂಡಿಟ್ಟು ವಿದ್ಯಾರ್ಥಿನಿಯ ಹತ್ಯೆ - ಆರೋಪಿ ಬಂಧನ

•   Tue, Oct 27 2020 04:32:04 PM



• ಫರಿದಾಬಾದ್, ಅ. 27 (DaijiworldNews/HR): ಹರ್ಯಾಣದ ಕಾಲೇಜೊಂದ ಆವರಣದಲ್ಲಿ ಯುವತಿಯನ್ನು ಗುಂಡಿಟ್ಟು ಹತ್ಯೆಗೈದ ಘಟನೆ ನಡೆದಿದ್ದು, ಈ ವಿಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

  

  ಕಾರಿನಲ್ಲಿ ಬಂದ ದುಷ್ಕರ್ಮಿಗಳು ಯುವತಿಯನ್ನು ಅಪಹರಿಸಲು ಯತ್ನಿಸಿದ್ದು, ಯುವತಿ ಅದಕ್ಕೆ ವಿರೋಧ ವ್ಯಕ್ತಪಡಿಸಿದಾಗ ಗುಂಡಿಟ್ಟು ಹತ್ಯೆಗೈದಿರುವ ದೃಶ್ಯ ವಿಡಿಯೋದಲ್ಲಿ ದಾಖಲಾಗಿದೆ ಎಂದು ತಿಳಿದು ಬಂದಿದೆ.

  ಹರ್ಯಾಣದ ಫರಿದಾಬಾದ್ ನ ಬಲ್ಲಾಬ್ ಗಢ್ ಕಾಲೇಜಿನ ಹೊರಭಾಗದಲ್ಲಿ ಸೋಮವಾರ ಮಧ್ಯಾಹ್ನ 3.40ಕ್ಕೆ ಈ ಕೊಲೆ ಕೃತ್ಯ ನಡೆದಿದ್ದು, ನಿಖಿತಾ ಟೋಮರ್ ಅಂತಿಮ ವರ್ಷದ ಕಾಮರ್ಸ್ ವಿದ್ಯಾರ್ಥಿನಿಯಾಗಿದ್ದು, ಪರೀಕ್ಷೆ ಬರೆಯಲು ಕಾಲೇಜಿಗೆ ತೆರಳಿದ್ದಳು.

  ಇನ್ನು ಆಕೆ ಪರೀಕ್ಷೆ ಬರೆದು ಕಾಲೇಜಿನಿಂದ ಹೊರಗೆ ಬರುತ್ತಿರುವುದನ್ನೇ ತೌಸೀಫ್ ಮತ್ತು ಆತನ ಗೆಳೆಯ ರೇಹಾನ್ ಕಾರಿನಲ್ಲಿ ಕಾಯುತ್ತಿದ್ದರು. ತೌಸೀಫ್ ಹಾಗೂ ನಿಖಿತಾ ಒಬ್ಬರಿಗೊಬ್ಬರು ಪರಿಚಿತರಾಗಿದ್ದು, 2018ರಲ್ಲಿಯೂ ಆಕೆಯನ್ನು ಕಿಡ್ನಾಪ್ ಮಾಡಿರುವುದಾಗಿ ಪೊಲೀಸ್ ಅಧಿಕಾರಿ ಓಪಿ ಸಿಂಗ್ ತಿಳಿಸಿದ್ದಾರೆ.