ಆರ್‌.ಆರ್‌ ನಗರ ಉಪಚುನಾವಣೆ - ಬಿಜೆಪಿ ಅಭ್ಯರ್ಥಿ ಮುನಿರತ್ನ ಪರ ನಟ ದರ್ಶನ್‌, ಸಿಎಂ ಬಿಎಸ್‌ವೈ‌ ಪ್ರಚಾರ

•   Thu, Oct 29 2020 11:26:35 AM



• ಬೆಂಗಳೂರು, ಅ.29 (DaijiworldNews/PY): ಆರ್‌.ಆರ್‌‌‌ ನಗರ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆಯ ಹಿನ್ನೆಲೆ ಬಿಜೆಪಿ ಅಭ್ಯರ್ಥಿ ಮುನಿರತ್ನ ಅವರ ಪರ ನಟ ದರ್ಶನ್‌‌‌ ಗುರುವಾರ ಪ್ರಚಾರ ನಡೆಸಲಿದ್ದಾರೆ.

  

  ನಟಿ ಖುಷ್ಬೂ ಸುಂದರ್‌ ಅವರು ಬುಧವಾರದಂದು ಪ್ರಚಾರ ನಡೆಸಿದ್ದು, ರೋಡ್‌ ಶೋ ಮುಖೇನ ಮತಯಾಚನೆ ಮಾಡಿದ್ದರು.

  ನಟ ದರ್ಶನ್‌ ಅವರು ಕುರುಕ್ಷೇತ್ರ ಸಿನಿಮಾದಲ್ಲಿ ನಟಿಸಿದ್ದು, ಮುನಿರತ್ನ ಅವರೊಂದಿಗೆ ಒಳ್ಳೆಯ ಬಾಂಧವ್ಯವಿದೆ. ಆರ್‌.ಆರ್‌ ನಗರದಲ್ಲಿ ಮುನಿರತ್ನ ಪರ ದರ್ಶನ್‌‌ ಪ್ರಚಾರ ನಡೆಸಿದರೆ, ಇನ್ನೊಂದೆಡೆ ಸಿಎಂ ಬಿಎಸ್‌ವೈ ಅವರು ಚುನಾವಣೆ ಅಖಾಡಕ್ಕೆ ಇಳಿಯಲಿದ್ದಾರೆ. ಸಿಎಂ ಬಿಎಸ್‌ವೈ ಅವರು ಶುಕ್ರವಾರ ಶಿರಾದಲ್ಲಿ, ಶನಿವಾರ ಆರ್‌.ಆರ್‌‌ ನಗರದಲ್ಲ ಪ್ರಚಾರ ನಡೆಸಲಿದ್ದಾರೆ.

  ಚುನಾವಣಾ ಅಖಾಡಕ್ಕೆ ಇಳಿಯಲಿರುವ ಸಿಎಂ ಬಿಎಸ್‌ವೈ ಅವರು ಶುಕ್ರವಾರ ಶಿರಾದ ಮದಲೂರು, ಶಿರಾ ಪಟ್ಟಣದಲ್ಲಿ ಪ್ರಚಾರ ಕೈಗೊಳ್ಳಲಿದ್ದಾರೆ. ಆರ್‌.ಆರ್‌ ನಗರದ ಉಪಚುನಾವಣೆಯು ನ.3ರಂದ ನಡೆಯಲಿದ್ದು, ವಿವಿದ ಪಕ್ಷಗಳು ಬಿರುಸಿನಿಂದ ಮತ ಪ್ರಚಾರ ನಡೆಸುತ್ತಿದ್ದಾರೆ.