ಕಾಮುಕರ ಅಟ್ಟಹಾಸ, ತಂದೆಯನ್ನು ಮರಕ್ಕೆ ಕಟ್ಟಿ ಹಾಕಿ ಮಗಳ ಮೇಲೆ ಗ್ಯಾಂಗ್ ರೇಪ್

•   Thu, Feb 07 2019 10:41:26 PM



• ಬಿಹಾರ, ಫೆ 07(SM): ಜನ್ಮ ನೀಡಿದ ತಂದೆಯ ಎದುರಲ್ಲೇ ಕಾಮುಕರು ಅಟ್ಟಹಾಸ ಮೆರೆದಿದ್ದು, ಮಗಳ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿರುವ ಹೇಯ ಕೃತ್ಯವೊಂದು ಬಿಹಾರದ ಕಿಶಾನ್ ಗಂಜ್ ಪ್ರದೇಶದಲ್ಲಿ ನಡೆದಿದೆ.

  

  ಕಾಮುಕರು ಯುವತಿಯ ತಂದೆಯನ್ನು ಮರಕ್ಕೆ ಕಟ್ಟಿಹಾಕಿ ಅವರ ಮುಂದೆ ಮಗಳ ಮೇಲೆ ಅತ್ಯಾಚಾರ ಎಸಗಿದ್ದಾರೆ. ಕಾಮುಕರ ಅಟ್ಟಹಾಸದ ಮುಂದೆ ತಂದೆಯೊಬ್ಬ ಮೂಖ ಪ್ರೇಕ್ಷರಂತೆ ಉಳಿದಿದ್ದು, ಮೌನವಾಗಿಯೇ ಘಟನೆಯನ್ನು ಖಂಡಿಸಿದ್ದಾರೆ. ಇದೀಗ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

  ಫೆಬ್ರುವರಿ 4ರಂದು ರಾತ್ರಿ ಆರು ಮಂದಿ ಯುವತಿಯ ಮನೆ ಬಂದು ಬಾಗಿಲನ್ನು ತಟ್ಟಿದ್ದರು. ಬಳಿಕ ತಮಗೆ ಕುಡಿಯಲು ನೀರು ಕೇಳಿದ್ದರು. ಆ ಬಳಿಕ ಪಾಪಿಗಳು ಬಲವಂತವಾಗಿ ಮನೆಯೊಳಗೆ ನುಗ್ಗಿದ್ದಾರೆ. ಅಲ್ಲದೇ ತಂದೆ ಮತ್ತು ಮಗಳನ್ನು ದುಷ್ಕರ್ಮಿಗಳು ಮನೆಯಿಂದ ಹೊರಗೆ ಎಳೆದು ತಂದಿದ್ದರು ಎಂದು ಹಿರಿಯ ಪೊಲೀಸ್ ಅಧಿಕಾರಿ ಆಶೀಶ್ ಕುಮಾರ್ ಮಾಹಿತಿ ನೀಡಿದ್ದಾರೆ.

  ಇನ್ನು ಆರೋಪಿಗಳು ಯುವತಿಯ ತಂದೆಗೆ ಹಿಗ್ಗಾಮುಗ್ಗಾ ಥಳಿಸಿ ಮರಕ್ಕೆ ಕಟ್ಟಿಹಾಕಿದ್ದಾರೆ. ಹಾಗೂ ತಂದೆಯ ಎದುರೇ ಆರು ಮಂದಿ ಮಗಳ ಮೇಲೆ ಅತ್ಯಾಚಾರ ನಡೆಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಒಬ್ಬ ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಮೂಲಗಳಿಂದ ತಿಳಿಸಿದ್ದಾರೆ.