ಬಡ ಮಕ್ಕಳಿಗೆ ಊಟ ಬಡಿಸಿ, ಮಕ್ಕಳೊಂದಿಗೆ ಸಮಯ ಕಳೆದ ಮೋದಿ

•   Mon, Feb 11 2019 03:59:01 PM



• ವೃಂದಾವ​ನ,ಫೆ 11(MSP):ಊಟಕ್ಕೆಂದು ಸಾಲಾಗಿ ಬಂದ ಪುಟ್ಟ ಮಕ್ಕಳಿಗೆ ಪ್ರಧಾನಿ ನರೇಂದ್ರ ಮೋದಿ ಅವರೇ ಮುಂದೆ ನಿಂತು ಊಟ ಬಡಿಸಿ, ಮಕ್ಕಳನ್ನು ಪ್ರೋತ್ರಾಹಿಸಿದರು. ಹೌದು ಇಂತಹ ಅಪರೂಪದ ಕ್ಷಣಕ್ಕೆ ಸಾಕ್ಷಿಯಾಗಿದ್ದು, ಉತ್ತರ ಪ್ರದೇಶ ವೃಂದಾವನ . ಇಲ್ಲಿ ಅಕ್ಷಯ ಪಾತ್ರೆ ಫೌಂಡೇಶನ್​ ವತಿಯಿಂದ ಹಮ್ಮಿಕೊಳ್ಳಲಾಗಿದ್ದ ಈ ಕಾರ್ಯಕ್ರಮದಲ್ಲಿ ಮೋದಿ ಸುಮಾರು 20 ಬಡ ಮಕ್ಕಳಿಗೆ ಊಟ ಬಡಿಸಿದರು. ಅಕ್ಷಯ ಫೌಂಡೇಶನ್ಇದುವರೆಗೂ ಬಡ ವರ್ಗದ ಜನರಿಗೆ 300 ಕೋಟಿ ಊಟ ವಿತರಿಸಿದ ಕೀರ್ತಿಗೆ ಪಾತ್ರವಾಗಿದೆ.

  

  ಪ್ರಧಾನಿ ನರೇಂದ್ರ ಮೋದಿ ಆಹಾರ ಬಡಿಸಿದ ಬಳಿಕ ಪಂಕ್ತಿಯಲ್ಲಿ ಊಟ ಮಾಡುತ್ತಿದ್ದ ಮಕ್ಕಳ ಬಳಿ ಹೋಗಿ ಮಾತನಾಡಿಸಿ ಆಹಾರ ಹೇಗಿದೆ..? ಚೆನ್ನಾಗಿ ಊಟ ವನ್ನು ಸವಿಯಿರಿ, ಆರೋಗ್ಯಯುತವಾಗಿ ಗಟ್ಟಿ ಮುಟ್ಟಾಗಿರಿ ಎಂದು ಶುಭ ಹಾರೈಸಿದರು. ಇವರೊಂದಿಗೆ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಅದಿತ್ಯನಾಥ್ ಕೂಡಾ ಕೈಜೋಡಿಸಿದ್ರು.