ಟ್ರಾಫಿಕ್ ಜಾಮ್‌ ವೇಳೆ ಹಾರ್ನ್ ಮಾಡಿದ ಮಹಿಳೆಯನ್ನು ಕಾರಿನಿಂದ ಹೊರಗೆಳೆದು ಥಳಿಸಿದ ವ್ಯಕ್ತಿ!

•   Fri, Jan 20 2023 09:46:15 AM



• ಗುರುಗ್ರಾಮ್‌, ಜ 20 (DaijiworldNews/HR): ಗುರುಗ್ರಾಮ್‌ನ ಎಂಡಿಐ ಚೌಕ್‌ನಲ್ಲಿ ಟ್ರಾಫಿಕ್ ಜಾಮ್‌ ವೇಳೆ ಮಹಿಳೆಯೊಬ್ಬರು ಹಾರ್ನ್ ಮಾಡಿದ್ಕೆ ವ್ಯಕ್ತಿಯೊಬ್ಬ ಆಕೆಯನ್ನು ಕಾರಿನಿಂದ ಹೊರಗೆಳೆದು ಅಮಾನುಷವಾಗಿ ಥಳಿಸಿರುವ ಘಟನೆ ನಡೆದಿದೆ.

  ಹಲ್ಲೆಯಿಂದ ಮಹಿಳೆಯ ಕಿವಿ, ಮೂಗು ಮತ್ತು ಮುಖಕ್ಕೆ ಗಾಯಗಳಾಗಿದ್ದು, ಈ ಬಗ್ಗೆ ಕ್ರಮ ಕೈಗೊಳ್ಳಲು ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳು ಮತ್ತು ಮಹಿಳೆ ನೀಡಿದ ಕಾರು ನೋಂದಣಿ ಸಂಖ್ಯೆಯಿಂದ ಆರೋಪಿಯನ್ನು ಗುರುತಿಸಲು ಪ್ರಯತ್ನಿಸುತ್ತಿದ್ದಾರೆ.

  ಇನ್ನು ಎಂಡಿಐ ಚೌಕ್‌ನಲ್ಲಿ ಟ್ರಾಫಿಕ್ ಜಾಮ್‌ ಉಂಟಾಗಿದ್ದು, ಈ ವೇಳೆ , ಮಹಿಳೆ ಹಾರ್ನ್ ಮಾಡಿದ್ದಾಳೆ. ಇದರಿಂದ ಆಕೆಯ ಕಾರಿನ ಮುಂದಿದ್ದ ಮತ್ತೊಂದು ವಾಹನದ ವ್ಯಕ್ತಿ ಕೋಪಗೊಂಡಿದ್ದ. ಟ್ರಾಫಿಕ್‌ನಿಂದ ಸ್ವಲ್ಪ ದೂರ ಮುಂದೆ ಹೋದ ಮೇಲೆ ಮಹಿಳೆಯ ಕಾರನ್ನು ಆ ವ್ಯಕ್ತಿ ಫಾಲೋ ಮಾಡಿ, ಆಕೆಯ ಕಾರನ್ನು ಅಡ್ಡಗಟ್ಟಿದ್ದಾನೆ. ಆಗ ಕೂಡಲೇ ಆಕೆ ಬಳಿಗೆ ಬಂದು ಮಹಿಳೆಯನ್ನು ಕಾರಿನಿಂದ ಹೊರಗೆಳೆದು ಥಳಿಸಿದ್ದಾನೆ ಎಂದು ಮಹಿಳೆ ತನ್ನ ದೂರಿನಲ್ಲಿ ತಿಳಿಸಿದ್ದಾರೆ.